Mastactva+biznes+dziaržaŭnaja sprava

U Nacyjanalnym mastackim muziei Biełarusi (Lenina, 20) adkryłasia vystava «Niabačanaja Litva» fatohrafa i pradprymalnika Maryjusa Jovajšy.

Na zdymkach, zroblenych z vyšyni ptušynaha palota, — Litva, Litva, Litva… Tut i viadomyja turystyčnyja miaściny: Kovienski zamak i panarama staroj Vilni, a taksama kutki nieviadomyja: niezvyčajnyja vydmy ŭ zapaviedniku Nahlo, Kryžovaja hara, i malaŭničy Biłvikijo, mys na Bałtyjskim mory.

Maje fotavystava i inšaje vymiareńnie. Nievierahodna vysokaja jakaść fotamastactva tut spałučajecca sa spravaj prasoŭvańnia turystyčnaha brenda «Litva».

— Heta nie albom, heta zaprašeńnie siabroŭ pryjechać da nas, — kaža pasoł Litoŭskaj respubliki Ŭ Biełarusi Edminas Bahdonas. —Navat dla mianie, litoŭca, Maryjus adkryŭ nieźviedanyja kutki našaj krainy i zaklikaŭ u padarožža.

Dobra pastaŭlenym hołasam na tle ŭłasnych efiektnych zdymkaŭ 37-hadovy biznesoviec Maryjus Jovajša robić prezientacyju ŭ faje muzieju. I raspaviadaje: pra toje, jak vykarystoŭvaŭ dla svaich zdymańniaŭ «latučy ŭsłončyk», motadeltapłan i samaloty litoŭskaj cyvilnaj avijacyi. Jak fatahrafii rabilisia tym samym abjektyvam, na jaki zdymalisia amierykancaŭ na Miesiac. Jak 250 fotazdymkaŭ vialikaha farmatu byli adabrany z amal 20 tysiač kadraŭ.

Niabačanaja Litva na videa:

Dadamo tolki, što albom «Niabačanaja Litva» śpiarša vydadzieny pa-litoŭsku i pa-anhielsku, užo maje 11 roznych moŭnych viersijaŭ: ad rasijskaj da japonskaj. «Niabačanaja Litva» — adziny albom ab Litvie, vydadzieny na takoj vialikaj kolkaści movaŭ, a vystavy «Niabačanaj Litvy» byli pradstaŭleny jašče ŭ 15 krainach śvietu: ad Aŭstralii da Arhienciny.

Pra vystavu i albom, jaki nie maje ŭ Litvie anałahaŭ, my vyrašyli spytać u biełaruskaha Siarhieja Płytkieviča, aŭtar padobnych fotaalbomaŭ pra Biełaruś. Dyk čamu nam nie zrabić taki samy albom, jaki prezientavaŭ by ziamlu pad biełymi kryłami hetaksama malaŭniča i pryvabna?

— Ničoha nie zaminaje, tut tolki treba zrazumieć, što heta nie tolki čystaja tvorčaść, ale i biznes, i dziaržaŭnaja sprava, — kaža Siarhiej Płytkievič. — Vydaje, što vystava Maryjusa takoje ščaślivaje spałučeńnie fotamastactva i biznes. Vystava “Niabačnaja Litva» ŭ pieršuju čarhu zroblena dziela prasoŭvańnia, rekłamy svajoj krainy. Lubaja pryhožaja fotavystava pra krainu krasamoŭniejšaja za tysiačy słovaŭ. Biełaruś i Litva vyhladajuć vielmi padobna, asabliva z ptušynaha palotu, tamu, dumaju, padobnaja vystava pra Biełaruś za miažoj hladziełasia b taksama hodna.

Vystava fotazdymkaŭ Maryjusa Javajšy «Niabačanaja Litva» budzie prachodzić da 28 vieraśnia.

• 0
• 0
• 0
• 0
• 0
• 0
• 0
• 0