Uładzimira Vałodzina, jakoha 9 dzion trymali za kratami ŭ izalatary na Akreścina, vyjšaŭ na volu 17 vieraśnia.
«Mianie padazravali ŭ datyčnaści ažno pa troch epizodach: napadzie na filijał „Biełarusbanka“, na Dom prafsajuzaŭ 30 krasavika i napadzie na izalatar na Akreścina ŭ pačatku vieraśnia. Pastupova vystaŭlali hetyja try padazreńni i praciahvali ŭtrymańnie pad vartaj. Viny svajoj ja ni ŭ čym nie pryznaŭ, ale zastajusia i ciapier ŭ stanie padazronaha. Miarkuju, što da mianie, heta čysta palityčnaja sprava — niekali, vidać, trapiŭ u śpisy nienadziejnych za maju pazicyju ŭ pytańni ab budaŭnictvie atamnaj elektrastancyi ŭ Biełarusi. Zdajecca, navat milicyjanty na Akreścina zrazumieli, što heta sprava palityčnaja».
Uładzimir Vałodzin kaža, što jamu nie zadavałasia pytańniaŭ pra mahčymuju datyčnaść rasijskich śpiecsłužbaŭ da napadu na ambasadu Rasii 30 žniŭnia. «Što ja čuŭ ad śledčych, dyk heta pra mahčymuju maju prynaležnaść da niejkaj ekstremisckaj hrupoŭki, ale heta niapraŭda», — kaža ekołah. Pa spravach ab napadach na ambasadu Rasii i izalatar na Akreścina za kratami jašče zastajucca anarchisty Mikałaj Dziadok i Alaksandr Franckievič, a taksama aktyvist «Pravaha aljansu» Ihar Čapiha. Uładzimir Vałodzin nie vyklučaje, što pa hetych spravach było bolš zatrymanych, ale ich svajaki nie žadajuć pakul afišavać ich imiony.
Ciapier čytajuć
Chto taki Maćviej Bialaj, jakoha nibyta departavali ŭ Biełaruś? Raskazvajem historyju dziŭnaha aktyvista z padazronym minułym5
Kamientary