ałavy zbor ziernia i zierniebabovych kultur (biez kukuruzy) u pieršapačatkova aprychodavanaj vazie skłaŭ 6,7 młn. ton, što na 1,7 młn. ton (na 19,9%) mienš, čym letaś. Takija źviestki apublikavaŭ Biełstat.
U paraŭnańni z 1 vieraśnia 2009 hoda ŭradžaj ziernia atrymany nižej va ŭsich abłaściach krainy: u Homielskaj — na 337 tys. ton (na 31%), Viciebskaj — na 276 tys. ton (na 25%), Minskaj — na 449 tys. ton (na 21,2%), Mahiloŭskaj — na 216 tys. ton (na 17,3%), Bresckaj — na 174 tys. ton (na 14%), Hrodzienskaj — na 203 tys. ton (na 13,4%).
U ahulnym abjomie vytvorčaści ziernia i zierniebabovych kultur udzielnaja vaha Minskaj vobłaści skłała 25%, Hrodzienskaj — 19,7%, Bresckaj — 16%, Mahiloŭskaj — 15,6%, Viciebskaj — 12,4%, Homielskaj — 11,3%.
Uradžajnaść ziernia i zierniebabovych kultur (biez kukuruzy) skłała 29,8 centniera z adnaho hiektara ŭbranaj płoščy suprać 37,3 centniera na 1 vieraśnia 2009 hoda.
Raps sabrany z 99% płoščaŭ, jakija nieabchodna ŭbrać, jaho vałavy zbor skłaŭ 465,2 tys. ton, što na 38% mienš, čym na 1 vieraśnia 2009 hoda, pry siaredniaj uradžajnaści z adnaho hiektara 15,4 centniera (u 2009 hodzie — 23,1 centniera).
Razhornuta praca pa ŭborcy kukuruzy, bulby, aharodniny i cukrovych burakoŭ.
Na 1 vieraśnia 2010 hoda narychtoŭčym arhanizacyjam Minsielhascharča pastaŭlena ziernia ŭ lik dziaržaŭnych patreb 997,7 tys. ton, što składaje 100,8% da hadavoha zadańnia.
Zadańnie pa pastaŭcy jačmieniu pivavarnaha arhanizacyjami kancerna «Biełdziaržcharčpram» vykanana na 101,2% (jaho pastupiła 151,8 tys. ton), nasieńnia rapsu — na 56,4% (pastaŭlena 214,8 tys. ton).
U sielskahaspadarčych arhanizacyjach krainy praciahvajecca praca pa narychtoŭcy karmoŭ. Na 1 vieraśnia narychtavana siena 1,4 młn. ton, što na 14,9% bolš, čym było na adpaviednuju datu 2009 hoda, sienažu — 10,4 młn. ton (na 0,8% bolš), siłasu — 6,3 młn. ton (u 1,9 razu bolš). Usiaho narychtavana karmoŭ u pieraliku na karmavyja adzinki 7,5 młn. ton, što na 10,8% bolš, čym u papiarednim hodzie, u tym liku karmoŭ z travy — 4,9 młn. ton, što na 19,5% bolš. U raźliku na ŭmoŭnuju hałavu žyvioły (bieź śviniej i ptuški) narychtavana 16,6 centniera karmavych adzinak suprać 14 centnieraŭ na 1 vieraśnia 2009 hoda.
Ciapier čytajuć
Chto taki Maćviej Bialaj, jakoha nibyta departavali ŭ Biełaruś? Raskazvajem historyju dziŭnaha aktyvista z padazronym minułym5
Kamientary