«Nievyłučeńnie Milinkieviča - mocny sihnał dla Jeŭropy i ŭsiaho śvietu»
Jeŭrapiejskaja narodnaja partyja padtrymała rašeńnie Milinkieviča nie vyłučacca na prezidenckich vybarach.
Prezidyum Jeŭrapiejskaj Narodnaj Partyi (JENP) abviaściŭ, što padtrymlivaje rašeńnie Alaksandra Milinkieviča nie vyłučacca na prezidenckich vybarach, zapłanavanych na 19 śniežnia 2010 h., bo ŭmovy dla svabodnych i spraviadlivych vybaraŭ nie buduć zabiaśpiečanyja.
«Prezidyum JENP zaniepakojeny tym, što padčas hetych vybaraŭ biełaruskija ŭłady znoŭ mohuć pajści na parušeńni mižnarodnych i jeŭrapiejskich demakratyčnych standartaŭ. U hetaj situacyi JENP padtrymlivaje rašeńnie Alaksandra Milinkieviča nie ŭdzielničać u vybarach, što budzie mocnym sihnałam, jak dla Biełarusi i Jeŭropy, tak i dla ŭsiaho śvietu», — padkreśliŭ prezydent ENP Vilfryd Martens.
JENP zajaŭlaje, što padtrymlivaje demakratyčnyja prajeŭrapiejskija siły ŭ namahańniach dasiahnuć demakratyčnych źmienaŭ u Biełarusi.
Prezydyjum JENP vykazvaje škadavańnie z pryčyny taho,
što siarod palityčnych siłaŭ, źviazanych ź JENP (Ruch «Za Svabodu», BNF, AHP), adsutničaje adzinstva, i što jany nie vyłučajuć adzinaha kandydata na prezidenta.
Ciapier čytajuć
Chto taki Maćviej Bialaj, jakoha nibyta departavali ŭ Biełaruś? Raskazvajem historyju dziŭnaha aktyvista z padazronym minułym2
Kamientary