U sinhłu «Raz-dva-try — usie za stoł!» — 3 pieśni.
Paśla 3-hadovaha pierapynku, z novymi muzykami, Lavon Volski i jaho hurt alternatyŭnaj estrady «Krambambula» viartajecca z novym sinhłam. U sinhłu «Raz-dva-try — usie za stoł!» — 3 pieśni: «Azałacicca», «Raz-dva-try - usie za stoł», «Śviata kožny dzień» + «Raz-dva-try - usie za stoł (dixiland mix)».
— My nie prapahandujem pjanstva, chutčej kulturu pićcia, zastolle i ŭsio što ź im źviazana, — kaža aŭtar «Absentu», «Haściej» i «Turystaŭ». — A to niejak šerańka žyviem u Biełarusi, i tamu naš novy sinhł, - a jaho nijak nie nazavieš samotnikam, - nie pra ałkahol, a pra śviaty i adčuvańnie śviata.
Spampavać novyja pieśni «Krambambuli» možna na aficyjnaj staroncy hurta a taksama na sajcie «Budźma biełarusami!». Tamsama možna budzie prahałasavać za najlepšuju pieśniu sinhła (na jaje i budzie źniaty klip).
Pavodle Volskaha ŭ «Krambambuli» rychtujecca dźvie novych prahramy: viasielnaja, u miežach jakoj hurt vypuściŭ pryhadany vyšej sinhł. A taksama nizku narodnych piesień Biełarusi i inšych krain. A pry kancy hoda «Krambambula» płanuje vialiki kancert z novaj prahramaj.
Zaraz «Krambambula» — heta Lavon Volski (vakał, hitara), Paŭluk Ryś (hitara, vakał), Alhierd Harus (hitara, vakał), Aleś-Francišak Myškievič (bas, vakał), Siaržuk Štender (bubny, vakał), Radasłaŭ Sasnoŭcaŭ (truba, vakał), Kastuś Karpovič (trambon, vakał).
-
Rasijski servis nie raźmiaściŭ biełaruskamoŭnuju pieśniu — paličyŭ, što trek prapahanduje nacyjanalizm ci hvałt
-
Queen pradaŭ svoj muzyčny katałoh za $1,27 miljarda — heta rekordnyja hrošy ŭ muzyčnaj śfiery
-
«Dałaś tiebie vot eta Polša, v RB zarpłata bolšie». Štučny intelekt napisaŭ prapahandyscki chit
Piać faktaŭ pra Natallu Piatkievič — samuju ŭpłyvovuju čynoŭnicu Biełarusi da źjaŭleńnia Kačanavaj i Ejsmant16
Kamientary