Dakumenty na rehistracyju inicyjatyŭnaj hrupy Alaksandra Łukašenki ja asabista pryniała ad kiraŭnika jahonaj hrupy ministra adukacyi Alaksandra Radźkova», — zajaviła siońnia Lidzija Jarmošyna.
«Jak vy razumiejecie, u Alaksandra Michajłaviča Radźkova jość inšyja mahčymaści dla prachodu ŭ naš budynak, a nia tolki raz hałoŭny ŭvachod. Mahčyma, tamu žurnalisty i nie zaŭvažyli jahonaha prychodu ŭ CVK», — skazała Jarmošyna.
Jana taksama dała tłumačeńni nakont taho, ci moža niechta inšy, akramia samoha pretendenta, prynosić dakumenty na rehistracyju inicyjatyŭnaj hrupy. Jana patłumačyła, što nijakich normaŭ, jakija rehulujuć hetaje pytańnie, u Vybarčym kodeksie niama. «U zakanadaŭstvie niama normy, jakaja dazvalaje dziejničać praz pasiarednikaŭ. Ale niama i zabarony na heta. Tam napisana, što asoba, jakaja pretenduje na pasadu prezydenta, padaje dakumenty ŭ CVK, ale niama słova „asabista“. A vy razumiejecie, što čałaviek moža zachvareć, być u kamandziroŭcy i hetak dalej. Tamu my dazvalajem patencyjnamu kandydatu padavać dakumenty pa davieranaści luboj asobie» — zajaviła Jarmošyna.
«Takaja norma raspaŭsiudžanaja na vybarach usich ŭzroŭniaŭ, heta adzinaje praviła, pačynajučy ad abrańnia kandydataŭ miascovaha ŭzroŭniu da prezydenckaha. Tamu CVK vypracavała praktyku i dała tłumačeńni, što kali kandydat nia moža zdavać sam dakumenty, jon moža daručyć heta svajoj davieranaj asobie», — patłumačyła staršynia CVK.
Zaŭtra apošni dzień farmavańnia vybarčych kamisijaj. Na hety momant zarehistravany 2681 pretendent na siabroŭstva ŭ 155 isnujučych terytaryjalnych kamisijach. Ź ich 1177 — pradstaŭniki palityčnych partyjaŭ i hramadzkich abjadnańniaŭ. U skład terytaryjalnych kamisijaŭ pastupili zajaŭki ad 70 pradstaŭnikoŭ apazycyjnych partyjaŭ: Partyja levych «Spraviadlivy Śviet» — 36, AHP — 24, partyja BNF — 7.
