Na pytańnie žurnalistaŭ u Šanchai 28 vieraśnia, čaho jon čakaje ad biełaruskich vybarach, Prezident Rasii Dźmitryj Miadźviedzieŭ adkazaŭ: «Ničoha dobraha nie čakaju. Žart».
Paśla jon dadaŭ jašče niekalki frazaŭ užo nibyta ŭsurjoz. Jon raźličvaje, što vybary ŭ Biełarusi projduć z zachavańniem asnoŭnych pravoŭ hramadzian. «Ja ŭpeŭnieny, što biełaruski narod zrobić svoj vybar, bo heta ŭnutranaja sprava Biełarusi, i spadziajusia, što hety vybar budzie ažyćcioŭleny ŭ ramkach dziejučaha zakanadaŭčaha pola, z zachavańniem pravoŭ i asnoŭnych intaresaŭ hramadzian Biełarusi. Nam nieabyjakavy los Biełarusi, los hramadzian Biełarusi», — skazaŭ Miadźviedzieŭ, słovy jakoha pryvodzić RIA «Novosti».
25 vieraśnia ŭ Lidzie, padčas sustrečy z žurnalistami, Alaksandr Łukašenka zajaviŭ, što nie dapuścić nijakaha źniešniaha ŭmiašańnia ŭ prezidenckuju kampaniju, u tym liku z boku Rasii.
Jon taksama ličyć, što Kreml nie akaža «nijakaha ŭpłyvu na hetyja vybary». «A kali i akaža, dyk tolki stanoŭča. Uvieś hety brud (majecca na ŭvazie infarmacyjnaja kampanija Rasii, u tym liku filmy „Chrosny baćka“) syhraŭ na karyść nie im, a nam. Daj boh, kab jany hetak ža biazhłuzda viali dalej hetuju brudnuju kampaniju. Heta nam na ruku», — skazaŭ Łukašenka.
