Lidaru kampanii «Havary praŭdu!» ničoha nie viadoma pra rekłamnyja ŭlotki, jakija ŭkidvajucca ŭ paštovyja skryni hramadzian ad jaho imia.
Pretendentu na pasadu prezidenta Biełarusi, lidaru kampanii «Havary praŭdu!» Uładzimiru Niaklajevu ničoha nie viadoma pra rekłamnyja ŭlotki, jakija ŭkidvajucca ŭ paštovyja skryni hramadzian ad jaho imia.
Jak raniej paviedamlałasia, 6 kastryčnika padčas sustrečy z kiraŭnikom misii naziralnikaŭ ad SND na prezidenckich vybarach u Biełarusi Siarhiejem Lebiedzievym staršynia CVK Lidzija Jarmošyna paprasiła maskoŭskaje adździaleńnie Vykankama SND ustanavić, chto raźmiaściŭ zamovu na vyrab rekłamnych ulotak adnaho z pretendentaŭ na pasadu prezidenta na rastoŭskim pradpryjemstvie.
Jarmošyna prademanstravała Lebiedzievu rekłamnuju ŭlotku Niaklajeva, jakuju ŭkidajuć vybarščykam u paštovyja skryni. Pavodle jaje słoŭ, bačny adrazu niekalki parušeńniaŭ — daterminovaja ahitacyja, vyrab rekłamnaj pradukcyi za košt nieŭstanoŭlenych krynic i jaje vyrab na terytoryi inšaj dziaržavy.
Jak zajaviŭ Niaklajeŭ, z samaha pačatku materyjały z łahatypam kampanii «Havary praŭdu!» vykarystoŭvalisia dla pravakacyj.
«Jak tolki my pačali kampaniju, stali raspaŭsiudžvać paštoŭki, u jakich prapanavali ludziam pisać u Administracyju prezidenta pra svaje prablemy, paštoŭki vykarystoŭvalisia dla pravakacyj. Zamiest apisańnia prablem u ich byli napisanyja abrazy i pahrozy. Heta značyć, nas sprabavali padstavić pad artykuł ab abrazie prezidenta», — skazaŭ Niaklajeŭ.
Jon taksama nahadaŭ, što paštoŭka z łahatypam kampanii «Havary praŭdu!» z pahrozami była kinutaja ŭ paštovuju skryniu
«Ja nie mahu adkazvać za niejkija pravakacyjnyja dziejańni. Siońnia kožny navat doma moža nadrukavać ulotku z našym łahatypam, kinuć jaje ŭ paštovuju skryniu susiedu, a potym skazać: «Voś, hladzi, zaŭčasnaja ahitacyja».
Ale ja zajaŭlaju — maja inicyjatyŭnaja hrupa hetym nie zajmajecca», — skazaŭ Niaklajeŭ.
«My nie źbirajemsia na takoj drobiazi spalić kampaniju, na jakuju zatračana vielmi šmat sił. Hetaha rabić nichto nie budzie, heta prosta hłupstva. Ja mahu skazać tolki adno — niachaj Jarmošyna sapraŭdy vyśvietlić, chto hetym zajmajecca», — padkreśliŭ lidar kampanii «Havary praŭdu!».
Stała viadoma pra śmierć 22-hadovaha chłopca, jakoha asudzili pa palityčnaj kryminałcy2
Kamientary