Sioleta ŭ Minsku płanujecca pryščapić ad hrypu kožnaje treciaje dzicia

U 2010 hodzie za srodki biudžetu płanujecca pryščapić kožnaje treciaje dzicia ŭ Minsku, paviedamiła BiełaPAN zahadčyca adździaleńnia imunaprafiłaktyki Minskaha haradskoha centra hihijeny i epidemijałohii Iryna Hlinskaja. Nahadajem, u 2009 hodzie ŭ stalicy pryščapili 25% dziaciej.

Pavodle słoŭ Hlinskaj, u Minsku budzie prapanavana vakcynacyja školnikam i dzieciam, jakija naviedvajuć dziciačyja sadki. Upieršyniu staličnym školnikam prapanavali vakcynacyju ŭ 2009 hodzie. U 2008 hodzie takaja prafiłaktyčnaja miera ŭ stalicy prapanoŭvałasia tolki navučencam pačatkovych kłasaŭ i daškolnikam. Usich daškolnikaŭ pa žadańni pryščaplajuć za srodki biudžetu Minska z 2007 hoda.

Dla biaspłatnaj imunizacyi sioleta ŭžyvajecca kitajskaja vakcyna «Fluvaksin».

Hlinskaja adznačyła, što vakcyna adpaviadaje ŭsim zapatrabavańniam SAAZ da vakcyn, dobra siabie zarekamiendavała i vykarystoŭvajecca ŭ śviecie z 2004 hoda. Jak paviedamlałasia raniej,

cana «Fluvaksina» składaje ad 13 da 15 tys. rubloŭ, «Hrypoła Plus» — 19 tys., «Vaksihrypa» — 27 tys. rubloŭ.

Novaja partyja «Fluvaksina» ŭžo znachodzicca na daśledavańni ŭ Biełarusi, i vakcynacyja školnikaŭ moža pačacca z 19 kastryčnika, skazała Hlinskaja. Jana adznačyła, što školnikam buduć prapanoŭvać vakcynacyju pa miescy vučoby i ŭ paliklinikach. Dla taho kab zrabić pryščepku, dziciaci nieabchodna zaručycca piśmovaj zhodaj baćkoŭ.

Jak raniej paviedamlałasia, da sioletniaha epidemičnaha siezonu ŭ Biełarusi

płanujecca zakupić 1 młn. 400 tys. doz «Fluvaksina».

Uvohule ad hrypu płanujecca pryščapić kala 20% žycharoŭ stalicy, anałahičny achop vakcynacyjaj miarkujecca i pa krainie. Za srodki biudžetu (respublikanskaha i miascovaha) u Minsku zapłanavana vakcynavać 210 tysiač čałaviek. Jak i ŭ raniejšyja hady, biaspłatna buduć vakcynavanyja ludzi z vysokaj ryzykaj raźvićcia ciažkich posthrypoznych uskładnieńniaŭ (z roznymi chraničnymi zachvorvańniami sardečna-sasudzistaj, dychalnaj i inšych sistem, starejšyja za 65 hadoŭ i inšyja) i zaražeńnia hrypam (miedycynskija rabotniki, rabotniki apatek, supracoŭniki ŭstanoŭ kruhłasutačnaha znachodžańnia). Płanujecca pryščapić taksama tych, chto pa vidu svajoj prafiesijnaj dziejnaści zajmajecca zabieśpiačeńniem žyćciadziejnaści horada (pracaŭniki transpartu, voda- i enierhazabieśpiačeńnia).

• 0
• 0
• 0
• 0
• 0
• 0
• 0
• 0