Pad upłyvam kafieinu ludźmi možna manipulavać

Kava moža być vykarystanaja dla manipulavańnia ludźmi, dakazali vučonyja aŭstralijskaha ŭniviersiteta.

Dla daśledavańnia na dyskusiju ab važnych sacyjalnych pytańniach, takich, jak pakarańnie śmierciu, teraryzm, aborty, było zaprošana 140 dobraachvotnikaŭ. Pieršaja hrupa ludziej padčas abmierkavańnia piła kavu, druhaja piła harbatu abo zusim admaŭlałasia ad napojaŭ. Pieršaja hrupa dobraachvotnikaŭ užo paśla druhoha kubka kavy, pačuŭšy kontrarhumienty apanienta, ad svajho mierkavańnia admaŭlałasia, prymajučy čaściej supraćlehłuju pazicyju. Druhaja hrupa, jakaja nie piła kavu, praciahvała adstojvać svajo mierkavańnie, jak i raniej.

Jak tłumačać śpiecyjalisty, vialikija dozy kafieinu vyklikajuć adčuvańnie ejfaryi, jakoje, razam z vykidam adrenalinu, sadziejničaje tamu, što čałavieku składana skancentravacca, i jon stanovicca bolš zhavorlivym.

Badzioraść ad kavy — iluzija

Pryliŭ badzioraści, jaki prypisvajuć dziejańniu kafieinu, chutčej za ŭsio, uźnikaje ŭ suviazi z «efiektam admieny» ŭ vypadkach ustrymańnia ad kavy, ličać vučonyja Brystalskaha ŭniviersiteta ŭ Vialikabrytanii.

Kafiein viadomy jak stymulatar i moža vyklikać stan niespakoju. Adnak u ludziej, jakija pastajanna pjuć kavu, uźnikaje pryvykańnie (talerantnaść) da jaje efiektaŭ.

Aŭtary ekśpierymientu adznačajuć: «Daśledavańnie dakazvaje, što my nie atrymlivajem karyści ad užyvańnia kafieinu. Niahledziačy na toje, što my subjektyŭna adčuvajem pryliŭ badzioraści, heta nie bolš čym nastupstva „efiektu admieny“. Kafiein usiaho tolki viartaje nas u narmalny stan. Ź inšaha boku, kafiein uzmacniaje tryvohu, ale ŭ suviazi z raźvićciom talerantnaści dla bolšaści hety efiekt niaznačny».

Kafiein umacoŭvaje pamiać

Dva kubki kavy ŭ dzień dapamahajuć umacavać pamiać, paviedamlajuć vučonyja z univiersiteta štata Paŭdniovaja Fłaryda (ZŠA).

Padčas daśledavańniaŭ im udałosia dakazać, što kafiein zdolny adnaŭlać niervovyja kletki, paškodžanyja chvarobaj Alchiejmiera. Pry hetym štodzionnaje ŭžyvańnie ekvivalentu 2 kubkaŭ kavy ŭ sutki nie tolki palepšyła ŭ zachvarełych myšej rabotu mozha, ale i źniziła ŭ kryvi kancentracyju białku amiłoidu, jaki adkładvajecca ŭ niervovych kletkach pry chvarobie Alchiejmiera. Pavodle mierkavańnia vučonych, kava palapšaje rabotu niervovych kletak i ŭ zdarovych ludziej. U chutkim časie pačniecca raspracoŭka lekavaha preparatu, jaki ŭtrymlivaje kafiein.

• 0
• 0
• 0
• 0
• 0
• 0
• 0
• 0