6 kastryčnika ŭ Mahilovie pretendent na pasadu prezidenta Aleś Michalevič i členy jaho inicyjatyŭnaj hrupy nie byli dapuščany ŭ internat № 1 Mahiloŭskaha dziaržaŭnaha ŭniviersiteta imia Arkadzia Kulašova dla zboru podpisaŭ.
«U bolšaści vypadkaŭ usia kampanija prachodzić u adpaviednaści z zakonam, — zajaviŭ Michalevič BiełaPAN. — Ale voś hety internat, dzie kaliści žyŭ dziejny prezident, staŭ niepryjemnym vyklučeńniem, siudy nie puścili maju inicyjatyŭnuju hrupu. My padadzim zajavu ŭ Centralnuju vybarčuju kamisiju, kab jana razabrałasia i kab siudy puścili maich zborščykaŭ podpisaŭ».
Jak patłumačyŭ kaardynatar pa zbory podpisaŭ u padtrymku Michaleviča pa Mahilovu Juryj Stukałaŭ, kiraŭnictva internata, spasyłajučysia na niejkuju niezrazumiełuju instrukcyju, prosta začyniła dźviery pierad členami inicyjatyŭnaj hrupy. Adzinaj ustupkaj staŭ dazvoł źbirać podpisy žycharoŭ, znachodziačysia ŭ faje internata.
Pavodle słoŭ Stukałava, skarha na dziejańni administracyi internata budzie taksama nakiravana ŭ vybarčuju kamisiju Leninskaha rajona Mahilova.
Aktyvist adznačyŭ, što na hety momant u horadzie sabrana 3,5 tys. podpisaŭ za vyłučeńnie Michaleviča kandydatam u prezidenty.
Pavodle słoŭ samoha pretendenta, jon upeŭnieny, što źbiare nieabchodnyja 100 tys. podpisaŭ u svaju padtrymku.
«Jana daŭnavata ŭ Biełarusi». Baćka Anžaliki Mielnikavaj pryznaŭsia, što jana žyvaja i zdarovaja90
Kamientary