Supracoŭniki filijała №8 Homielskaj haradskoj palikliniki arhanizavana padpisalisia za Łukašenku prosta na pracoŭnym miescy.
Supracoŭniki filijała № 8 Homielskaj haradskoj palikliniki 6 kastryčnika arhanizavana padpisalisia ŭ padtrymku vyłučeńnia Alaksandra Łukašenki kandydatam u prezidenty prama na pracoŭnym miescy.
Jak paviedamili supracoŭniki palikliniki na ŭmovach ananimnaści, administracyja ŭstanovy prapanavała im pryjści siońnia na pracu z pašpartami, kab padpisacca za Łukašenku. Pavodle słoŭ miedrabotnikaŭ, u 12.00 u paliklinicy prajšoŭ schod, udzielniki jakoha pastavili podpisy za kandydaturu dziejnaha prezidenta.
Zahadčyk filijała № 8 Siarhiej Jermakovič u intervju abvierh infarmacyju ab tym, što miedpiersanał prymusili padpisacca za prezidenta.
«Nikomu my nie zahadvali! Prosta ŭ paniadziełak my abjavili ab tym, što siońnia budzie takaja mahčymaść, pryjdzie čałaviek ź inicyjatyŭnaj hrupy i možna budzie padpisacca, dla taho kab paskoryć hety praces. Chočacie — padpisvajciesia, nie chočacie — nie treba», — patłumačyŭ Jermakovič.
Pavodle słoŭ zahadčyka, na schodzie jon nie prysutničaŭ, pakolki byŭ na pasiadžeńni miedycynskaha savieta, i nie viedaje, chto źbiraŭ podpisy ŭ miedpiersanału. «Pavinna była pryjści supracoŭnica dziciačaj palikliniki — jana ŭvachodzić u inicyjatyŭnuju hrupu Łukašenki, ale jana taksama była na miedycynskaj radzie, tak što chto źbiraŭ podpisy — nie viedaju», — dadaŭ zahadčyk.
Apytanyja miedycynskija rabotniki paćvierdzili, što sapraŭdy ŭ 12.00 u paliklinicy źbirali podpisy za Alaksandra Łukašenku.
Namieśnik staršyni abłasnoj vybarčaj kamisii Alaksandr Usaŭ zajaviŭ, što paliklinika nie ŭvachodzić u pieralik miescaŭ, zabaronienych dla zboru podpisaŭ.
Sakratar CVK Mikałaj Łazavik dadaŭ, što podpisy nielha źbirać u pracoŭny čas, a ŭ abiedzienny pierapynak, a taksama da ci paśla pracy heta rabić nie zabaroniena.
Stała viadoma pra śmierć 22-hadovaha chłopca, jakoha asudzili pa palityčnaj kryminałcy2
Kamientary