Kapitan žanočaj zbornaj Biełarusi pa baskietbole zaklikała čynoŭnikaŭ paviarnucca tvaram da hetaha vidu sportu
Kapitan žanočaj zbornaj Biełarusi pa baskietbole Natalla Trafimava zaklikała čynoŭnikaŭ paviarnucca tvaram da hetaha vidu sportu.
«Svaim vynikam my dakazali, što majem prava na isnavańnie», — zajaviła Trafimava 6 kastryčnika ŭ Ministerstvie sportu i turyzmu na cyrymonii ŭšanavańnia zbornaj, jakaja zaniała čaćviortaje miesca na čempijanacie śvietu ŭ Čechii.
«Samaja vialikaja prośba: chaciełasia b atrymać zału», — skazała baskietbalistka.
Ministr sportu i turyzmu Aleh Kačan paviedamiŭ, što da 2014 hoda budzie pabudavany centr hulniavych vidaŭ sportu koštam bolš jak 500 młrd. rubloŭ. Dla hetaha, mahčyma, buduć pryciahnuty inšaziemnyja kredyty.
«Centr jość, ale niama bazy, i heta nonsens», — skazaŭ Kačan.
U pierśpiektyvie, pavodle jaho słoŭ, Biełaruś moža pravieści čempijanat śvietu pa baskietbole. «Dla hetaha treba być hatovymi», — adkazaŭ na heta hałoŭny trenier zbornaj Anatol Bujalski.
Stała viadoma pra śmierć 22-hadovaha chłopca, jakoha asudzili pa palityčnaj kryminałcy2
Kamientary