U Bresckaj vobłaści sabrana 1.100 podpisaŭ u padtrymku vyłučeńnia kandydatam na pasadu prezidenta ad Partyi BNF Ryhora Kastusiova.
Jak paviedamiŭ kiraŭnik abłasnoha vybarčaha štaba Kastusiova, staršynia Bresckaj abłasnoj arhanizacyi Partyi BNF Źmicier Šymanski, štodzionna ŭ zbory podpisaŭ zadziejničana 50 čałaviek u Breście i 40 — u inšych rehijonach vobłaści.
«Asnoŭnyja namahańni my zasiarodzili na zbory podpisaŭ pa miescy žycharstva vybarščykaŭ, ličačy, što heta bolš efiektyŭna. I źbiarom u rehijonie, jak namiačajem, 10 tysiač podpisaŭ za vyłučeńnie našaha pradstaŭnika kandydatam na pasadu prezidenta, — dapoŭniŭ Šymanski. — Pakul nam dastatkova adnaho štodzionnaha pikieta ŭ Breście ź piaci da siami hadzin viečara na praśpiekcie Mašerava kala handlovaha centra «Bierhchaŭs», jašče adnaho — u Baranavičach na centralnym rynku. Bližej da zaviaršeńnia hetaj častki vybarčaj kampanii, mahčyma, pavialičym kolkaść pikietaŭ, ale bolš jak infarmacyjnaha jaje składnika».
Pavodle słoŭ staršyni abłasnoj arhanizacyi Partyi BNF, 5 kastryčnika ŭ pikiecie ŭ Breście ŭziaŭ udzieł Ryhor Kastusioŭ.
«Ludzi nie tolki achvotna padpisvalisia ŭ jaho padtrymku, ale i brali aŭtohrafy, — padkreśliŭ Šymanski. — U hety ž dzień u pieršaj pałovie dnia Kastusioŭ byŭ u Baranavičach, siońnia ranicaj — u Pinsku».
Aceńvajučy hety etap vybarčaj kampanii ŭ rehijonie, jon zaŭvažyŭ, što zbor podpisaŭ prachodzić «jak nikoli, spakojna i libieralna».
«Ale heta nie tak važna. Hałoŭnaje, chto budzie ličyć hałasy. I jak pakazała farmiravańnie terytaryjalnych vybarkamaŭ, nijakich źmianieńniaŭ da lepšaha niama, — zajaviŭ aktyvist. — Usiaho ŭ vobłaści tolki dva našy pradstaŭniki vyłučalisia ŭ ich. Abodva ŭ Biarozie šlacham zboru podpisaŭ ad hramadzian u rajonnuju terytaryjalnuju vybarčuju kamisiju. I nivodnaha ź ich nie ŭklučyli».
Stała viadoma pra śmierć 22-hadovaha chłopca, jakoha asudzili pa palityčnaj kryminałcy2
Kamientary