Što supolnaha pamiž mužčynam z reklamy cyharetaŭ Marlboro, Hamletam i Santa-Klaŭsam? Toje, što choć jany i vydumanyja persanažy, zatoje mieli realny i vyrašalny ŭpłyŭ na čałaviectva i śviet – pišuć aŭtary leksykonu "101 najbolš upłyvovaja asoba, jakaja nikoli nie isnavała", vydadzienaha ŭ ZŠA.
Aŭtary skłali śpis persanažaŭ, viadomych ź mitaŭ, litaratury i reklamy, jakija, na ich dumku, mieli najbolšy ŭpłyŭ na pavodziny ludziej, a inšym razam i źmianili chadu historyi. Marlboro Man zajmaje ŭ śpisie pieršaje miesca – na dumku aŭtaraŭ, jon paspryjaŭ śmierci miljonaŭ kurcoŭ, jakija pamierli ad raka lohkich.
Vialiki Brat z ramanu Džordža Orŭeła "1984" zajmaje ŭ hetym rejtynhu druhoje miesca, a na trecim znachodzicca karol Artur, jakoha časam ličać histaryčnaj postaćciu.
Santa-Klaŭs u apošnim kvartale kožnaha hodu pierachoplivaje ŭpłyŭ na ekanomiku, za što aŭtary pryznali za im čaćviortaje miesca ŭ śpisie.
Na dalejšych miescach apynulisia Hamlet, Frankienštajn, Rameo i Džuljeta, a taksama lalka Barbi, jakaja, na dumku aŭtaraŭ, naviazała nam niedasiažny standart pryhažości.
