Za pretendenta na pasadu prezidenta ad Partyi BNF Ryhora Kastusiova sabrana bolš za 27 tysiač podpisaŭ. Ab hetym zajaviŭ patencyjalny kandydat u prezidenty 7 kastryčnika ŭ Minsku na schodzie minskaj kaalicyi demakratyčnych sił.
Kastusioŭ vykazaŭ upeŭnienaść, što inicyjatyŭnaja hrupa źbiare bolš za 100 tysiač podpisaŭ, nieabchodnych dla rehistracyi kandydatam u prezidenty. «Zbor podpisaŭ idzie pa hrafiku, rabota inicyjatyŭnaj hrupy prachodzić paśpiachova», — skazaŭ jon.
Razam z tym štab Kastusiova prapracoŭvaje i varyjant dziejańniaŭ na vypadak, kali jon nie budzie zarehistravany kandydatam. «My razumiejem, što nie ŭsio zaležyć ad nas, navat kali my źbiarem 200–300 tysiač podpisaŭ», — padkreśliŭ jon.
U vypadku nierehistracyi kandydatam u prezidenty Kastusioŭ maje namier «dapamahać inšym demakratyčnym kandydatam, dla jakich niezaležnaść, biełaruskaść, pabudova demakratyčnaha hramadstva nie źjaŭlajucca pustym hukam». Palityk taksama adznačyŭ, što paśla zboru podpisaŭ stanie zrazumieła, chto z pretendentaŭ «pradstaŭlaje Rasiju».
«My budziem imknucca da taho, kab nacyjanalnyja demakratyčnyja siły nie vykarystoŭvalisia na karyść takoha kandydata», — padkreśliŭ jon.
Zbor podpisaŭ za vyłučeńnie pretendentaŭ kandydatami ŭ prezidenty prachodzić z 30 vieraśnia pa 29 kastryčnika.
Ciapier čytajuć
«Jany čamuści dumajuć, što ich zaraz zhvałciać». Prapahanda kinułasia tušyć abureńnie biełarusaŭ 150 tysiačami pakistancaŭ19
Kamientary