World Egg Day adznačajecca ŭ druhuju piatnicu kastryčnika. Heta sapraŭdy śviatočny dzień dla ŭsich amataraŭ amletaŭ, zapiakanak, «hłazuńniaŭ», «jajek u miašečak».
Jajka zdaŭna ličyłasia samym univiersalnym praduktam charčavańnia, jano było i zastajecca papularnym u kulinaryi roznych krain i kultur.
Historyja śviata raspačałasia ŭ 1996 hodzie. Data była abranaja Mižnarodnaj jaječnaj kamisijaj (International Egg Commission) na kanfierencyi ŭ Vienie. Kamisija zajaviła, što bačyć šmat nahod, kab adznačać Dzień jajka, i mnohija vytvorcy jaječnaj pradukcyi z hatoŭnaściu padtrymali takuju inicyjatyvu.
Na praciahu apošnich dziesiacihodździaŭ pra jajki było skazana šmat niehatyŭnaha. Adnak mnohija navukoŭcy i miedyki siońnia zajaŭlajuć, što jajka treba reabilitavać, bo ŭ im utrymlivajecca mnostva nieabchodnych arhanizmu rečyvaŭ, u tym liku asnoŭnyja vitaminy i minierały, a taksama antyaksidanty. I — nasupierak ahulnamu mierkavańniu — jajki nie pavyšajuć uzrovień chalesterynu, tamu źjadać adno jajka ŭ dzień dazvalajecca.
Pavodle niekatorych źviestak, lidar u spažyvańni jajek — Japonija. Tut kožny žychar źjadaje ŭ siarednim pa adnym jajku ŭ dzień. Amierykancy vykazvajuć šanavańnie hetamu cudoŭnamu praduktu, adznačajučy Śviata hihanckaha amleta (Giant Omelette Celebration), jakoje pravodzicca ŭ pieršyja vychadnyja listapada ŭ horadzie Abievil (štat Łuizijana, ZŠA). Miascovyja kulinary štohod hatujuć vialiki Amlet Siabroŭstva, na jaki raschodujuć 5000 jajek, 25 litraŭ małaka, 6 litraŭ aleju, 60 kiłahramaŭ zielaniny, i častujuć im haściej.
Ciapier čytajuć
«Jany čamuści dumajuć, što ich zaraz zhvałciać». Prapahanda kinułasia tušyć abureńnie biełarusaŭ 150 tysiačami pakistancaŭ19
Kamientary