«Zmušu, padła, viedać!»

Uładzimir Niaklajeŭ pra čynoŭnikaŭ i movu… A błohier Krebsik — pra Niaklajeva: litaratar +100, čałaviek +1, palityk -100.

Učora adelka była zaprošanaja na sustreču Niaklajeva z błohierami. Pa niejkich tajemna-ramantyčnych pryčynach jana pryjści nie zmahła i ja na pravach muža jaje padmianiŭ. Siadzieŭ na miakkaj kanapie pamiž kłasnymi dziaŭčynkami fotaczka i lamma_mamma, jeŭ vinahrad i zamaŭlaŭ susiedkam harbatu, pa jakuju biehaŭ, darečy, Sam Načštaba. Utulnieńka-pryjemnieńka, dziakuj spadaru kandydatu. Za atmaśfieru sustrečy taksama +1.

Pra Paeta ja viedaŭ, pra palityka zdahadvaŭsia, a voś čałavieka chacieŭ ubačyć, što za jon. Ništo sabie čałaviek, nia drenny akazaŭsia. I pa sumie ŭražańniaŭ biezumoŭny zalik. Ale pa paradku.

lipkovich hałava. Ź jaho pačałosia, im i skončyłasia. Spačatku pa jahonaj zamovie sp. kandydat pradekłamavaŭ svoj vieršyk da XXV źjezda KPSS, potym raspaviadaŭ čamu źjechaŭ u Finlandyju,

Niaklajeŭ zdolny pryznavać pamyłki i iranična da ich stavicca, zapisvajem jamu plusik jak čałavieku, ale adnačasova palityčny minusik za pavierchoŭnuju padrychtoŭku da ciažkich pytańniaŭ. Tłumaču.

Niaklajeŭ tłumačyŭ pryčyny adjezdu ŭ Finlandyju kanfliktam z kiraŭnictvam krainy praz rujnavańnie biełaruskaj kultury i movy… było heta ŭ 1999 hodzie. Na majo admysłova zavostranaje pytańnie, čamu kanflikt nie adbyŭsia niekalki hadoŭ da taho, kali Ciciankoŭ irvaŭ na kavałki b-č-b, byŭ praviedzieny moŭny refierendum i na maju naŭmysna pravakatyŭnuju, ale niesurjoznuju viersiju (u jaho nibyta pačali adbirać biełaruski kulturnicki chleb) była reakcyjaj razhublenaść i toje, što jon zarablaŭ bolš z rasiejskamoŭnaha «Rodnika», čym ź biełkultury…

Stop, tavaryšy palitechnołahi! Vaš kandydat pavinien nie tolki cikava i šmatsłoŭna raspaviadać pra toje jak było, ale j mieć karotkija ščyra-čałaviečyja adkazy na niaŭtulnyja pytańni, čamu.

A takich «drennych» pytańniaŭ šmat, navat kali pytańnie z katom nie ŭzdymajem. Tolki, boža ž moj, nie padumajcie, ja nie kažu, što čałaviek ad naradžeńnia pavinien być zmaharom i hrech partyjnych źjezdaŭ možna zmyć tolki kryvioju. Dy nie! Palityk pavinien trymać udar i tryma słovami tłumačyć, kab narod paniaŭ.

Druhaja častka: ujavicie sabie zusim nie fantastyčnuju situacyju — kažu ja jamu — da Vas za miažoj padychodzić supracoŭnik zamiežnaje vyviedki i prapanoŭvaje supracoŭnictva.

— A ŭ mianie takoje było, pierapyniaje jon mianie.

— Bo Vy lidar apazicyi, i jon budzie Vam dapamahać zmahacca suprać režymu…

Niaklajeŭ adrazu kaža, što jon admoviŭ i admoviŭ by znoŭ, bo… jon rukami pakazvaje svoj mahčymy padviešany stan i kranalna tłumačyć, što jon zhubiŭ by svajo sapraŭdnaje miesca ŭ žyćci i nie žadaje hetaha. Ja b kazaŭ toje ž samaje i admoviŭsia b z takich ža pryčynaŭ. Ale ja nie palityk, u palityka pavinny być inšyja pryčyny i jon pavinien ich artykulavać Pišam minusik palityku i plusik čałavieku.

Niešta ja raśpisaŭsia, ciapier koratka.

Niaklajeŭ-palityk nahadvaje svoj płakat. Pryhoža-hučna, ale kali sunuć hłybiej buracinaŭski nos — vychodzić dzirka.

Mianie nikoli nie cikavić, adkul hrošy, kolki, kolki skraduć, a kolki pojdzie ŭ spravu… Mianie cikavić, jak jany pracujuć i ŭva što pieratvarajucca. Dyk voś,

ja nie zaŭvažyŭ ničoha pryncypova novaha ŭ paraŭnańni z 2001 i z 2006 hh., što mahło b pryvieści da pieramohi, pra jakuju vielmi palittechnałahična kaža Načštaba i navučany kandydat.

Jość kreatyŭ, jość jakasnaja drukavanaja pradukcyja, jość bolš-mienš mocnaja chutka zbudavanaja struktura, ale heta było i raniej. Niama jakasna novych padychodaŭ. Jość dobryja napramki i dumki pa nazirańni-padliku, mietafizičnaj «Płoščy», budu rady kali jany niečakana vybuchnuć, budu rady pamylacca.

Ja dam podpis za Niaklajeva, ale nie stanu ŭ pikiet i nie prahałasuju za jaho. Vielmi prosta. Intehracyja z Rasiejaj.

Apošniaje: tajamnica. Niaklajeŭ choraša kaža pra minułaje — zasłuchaješsia, litaratura — fantastyčna cikava, pa spravie, sa ślazinkaj pra Radzimu. Pačynaje pra palityku — stereatypy, i niekudy źnikaje duša. Našto jano jamu zdałosia — charošamu čałavieku i vialikamu paetu?

• 0
• 0
• 0
• 0
• 0
• 0
• 0
• 0