Milinkievič: Ludzi chočuć pieramienaŭ, ale razumiejuć, što realnaha padliku hałasoŭ nie budzie
Lider ruchu «Za Svabodu», były adziny kandydat u prezidenty, a ciapier siabra niekalkich inicyjatyŭnych hrup, ličyć, što palityčnaj libieralizacyi ŭ krainie nie adbyłosia.
«Ježiednievnik» paprasiŭ Alaksandr Milinkieviča paraŭnać pačatak vybarčych kampanijaŭ
«U Minsku ŭsio značna libieralniej, prosta razhuł demakratyi: dzie chočaš, tam i źbiraj podpisy, nichto nie zaminaje. A ŭ rajonach iduć vielmi mocnyja represii. Pryjazdžajuć ludzi, naprykład, z Astraŭca, i kažuć, što tam tych, chto nie padpisaŭsia za Łukašenku, vyklikaje načalnik. Pytaje: maŭlaŭ, jak heta ty dziaržavu nie padtrymlivaješ? Voś takaja roźnica «, — raspavioŭ palityk.
Ciapierašniaja libieralizacyja, na dumku Milinkieviča, raspaŭsiudžvajecca tolki na stalicu i zroblenaja vyklučna dla mižnarodnaj supolnaści: «Raniej byli represii ŭsiudy, zaraz u stalicy dla ABSIE i inšych stvarajecca łahodny malunak. Ja nie dumaju, što vybary projduć sapraŭdy lepš. Bo dla mianie kryter adzin — ličym hałasy razam abo nie ličym. Što tyčycca ludziej, to nastroj taki: bolšaść tych, chto padpisaŭsia, kaža, što, maŭlaŭ, my nie viedajem hetych (apazicyjnych) kandydataŭ, ale krainie patrebnyja pieramieny. Ludzi chočuć pieramienaŭ. Navat tyja, chto padtrymlivaje Łukašenku. Choć bolšaść razumieje, što realnaha padliku hałasoŭ nie budzie,
ale ŭsio ž kažuć dziakuj za toje, što my jość. Choć by jość vybar.
Ale heta reakcyja minskich pikietaŭ. Kali pajedu ŭ rehijony — ubaču, što adbyvajecca tam. Ułada budzie pakazvać, što jość libieralizacyja. Jany vykanajuć abiacańni, padpuściać bližej, čym na 10 mietraŭ, naziralnikaŭ. Ja liču, što nichto nie pavinien kuplacca na hulniu ŭ palityku. Pavinna być sapraŭdnaja kankurencyja. Heta vielmi treba krainie, a nie apazicyi abo Milinkieviču».
A parušeńni prosta tak pakidać nielha: «Kali jość parušeńni, to abaviazkova treba ich adznačać: zajaŭlać ŭ CVK, źviartacca ŭ presu, da naziralnikaŭ. My nie možam chadzić na pryviazi. Maŭčać z hetaj nahody nielha. U rehijonach, dzie ŭsie lohka prahladajecca i karajecca, ludzi bajacca aktyŭna padpisvacca za alternatyŭnych kandydataŭ. Tam strach «, — kanstatavaŭ Milinkievič.
«Mama, davaj napišam zajavu ŭ milicyju, jon mianie ŭžo dastaŭ». Maci školnika z Bresta, jaki skončyŭ žyćcio samahubstvam, raskazała pra ckavańnie syna8
Kamientary