Staršyniu adnaho ź sielskich Savietaŭ ŭ Viciebskaj vobłaści złamyśniki «pastavili na ličylnik». Patrabavali, kab, akramia 200 dołaraŭ, jakija staršynia pazyčyŭ u adnaho ź ich, addaŭ i «pracenty»: pad 22 tysiačy «zialonych».
Jak paviedamiŭ Juryj Šejenkoŭ — namieśnik načalnika Hałoŭnaha ŭpraŭleńnia pa baraćbie z arhanizavanaj złačynnaściu i karupcyjaj MUS RB, spynienaja dziejnaść złačynnaj hrupy ź liku žycharoŭ Viciebskaj vobłaści, jakija zajmalisia vymahalnictvam hrašovych srodkaŭ u staršyni adnaho ź sielskich Savietaŭ. Nie cyrymonilisia.
Paciarpieły, u pryvatnaści, try razy byŭ vyviezieny ŭ lasny masiŭ, dzie ŭžo zatrymanyja prymušali jaho kapać sabie mahiły, a zatym raz skinuli ŭ jaje. Nadrazali vucha, vybili zub… Takim čynam i atrymlivali hrošy.
A biedy ŭ staršyni pačalisia z taho, što
sioleta ŭ lutym jon ŭziaŭ u doŭh u adnaho z udzielnikaŭ hrupy 200 dołaraŭ.
Svoječasova nie moh viarnuć. U vyniku i byŭ «pastaŭleny na ličylnik»… Jaho prymušali pisać raśpiski pra toje, što pavinien viarnuć pracenty. Atrymali 900 dołaraŭ (razam z sumaj asnoŭnaha doŭhu), a ŭ druhi raz chacieli atrymać 1,6 tysiačy dołaraŭ. Pry pieradačy hetaj sumy zładziei byli zatrymanyja ŭ viaskovym domie.
Jak stała viadoma paśla zatrymańnia złamyśnikaŭ, raniej jany nie byli sudzimyja. Usie biespracoŭnyja, žychary vobłaści, va ŭzroście ad 25 da 40 hadoŭ.
Im «śviecić» ad 5 da 15 hadoŭ pazbaŭleńnia voli.
Zastajecca adkrytym pytańnie: čamu staršynia nie ŭziaŭ bankaŭski kredyt, a źviazaŭsia ź lichim čałaviekam, jaki znajšoŭ adnadumcaŭ — «rekieciraŭ»?
Nie vyklučajecca, što takim ža čynam «stavili na ličylnik» i inšych.
Ciapier čytajuć
«Jany čamuści dumajuć, što ich zaraz zhvałciać». Prapahanda kinułasia tušyć abureńnie biełarusaŭ 150 tysiačami pakistancaŭ19
Kamientary