U licei ŭ h.Łodź vyrašyli pakul što nia viešać na ścianu tablicy, što ilustruje evalucyju čałavieka: «Nia chočam, kab niechta zrazumieŭ heta jak pravakacyju».
U licei ŭ h.Łodź vyrašyli pakul što nia viešać na ścianu tablicy, što ilustruje evalucyju čałavieka: «Nia chočam, kab niechta zrazumieŭ heta jak pravakacyju».
Usim dobra viadomy malunak, jaki pakazvaje evalucyju ad małpy da čałavieka, mieŭsia być vyviešany ŭ łodźskim licei. Adnak da hetaha času tak tam i nie visić. Jak tłumačyć namieśnik dyrektara liceju Daryjuš Jendrasiak, zaduma paviesić tablicu supała z vykazvańniem ministra Ažechoŭskaha pra darvinizm. Tamu licej i vyrašyŭ pačakać, kab nichto nie zrazumieŭ tablicu na ścianie jak pravakacyju.
Usio pačałosia sa słovaŭ Macieja Hiertycha, prafesara dendralohii i baćki ministra adukacyi Ramana Hiertycha, pra toje, što darvinizm nieabchodna vyklučyć z navučańnia, bo Boh stvaryŭ čałavieka i pryrodu adnačasna. Paśla jahonuju dumku raźviŭ vice-ministar adukacyi Mirasłaŭ Ažechoŭski, jaki maje tealahičnuju adukacyju. Jon nazvaŭ teoryju evalucyi «chłuśnioj», «lehalizavanaj pamyłkaj» i skazaŭ, što adčuvaje siabie «naščadkam čałavieka, a nie małpy». Ažechoŭski całkam padtrymlivaje rašeńnie łodźskaha liceja, bo «darvinizm – heta tolki adna z teoryjaŭ, a tablica b davodziła vučniam jejnuju vyklučnaść».
Ci jość čaho bajacca nastaŭnikam bijalohii, jakija i nadalej buduć vykładać vučniam teoryju Darvina? «Ničoha padobnaha!» – kaža vice-ministar. Kaniečnie, pry ŭmovie, što jany buduć padavać darvinizm «razam ź inšymi teoryjami», a nia jak adzinuju praŭdzivuju. «Heta niemałavažna ŭ krainie, dzie pieravažnaja bolšaść ludziej vierniki».
Kamientary