Milinkievič źviartajecca da parlamentaŭ krain Eŭraźviazu, ZŠA, Rasiei i Ŭkrainy
Lider abjadnanych demakratyčnych sił Biełarusi Alaksandar Milinkievič ciońnia nakiravaŭ zvarot da kiraŭnikoŭ parlamentaŭ krain Eŭraźviazu, ZŠA, Rasiei i Ŭkrainy z zaklikam padtrymać tych, chto cierpić za svaju palityčnuju pazycyju ŭ Biełarusi, i zapatrabavać ad palityčnych lideraŭ Biełarusi spynieńnia represijaŭ i vyzvaleńnia ŭsich palitviaźniaŭ.
Lider abjadnanych demakratyčnych sił Biełarusi Alaksandar Milinkievič ciońnia nakiravaŭ zvarot da kiraŭnikoŭ parlamentaŭ krain Eŭraźviazu, ZŠA, Rasiei i Ŭkrainy z zaklikam padtrymać tych, chto cierpić za svaju palityčnuju pazycyju ŭ Biełarusi, i zapatrabavać ad palityčnych lideraŭ Biełarusi spynieńnia represijaŭ i vyzvaleńnia ŭsich palitviaźniaŭ.
«30 kastryčnika 2006 hoda ŭ Minsku pačniecca sud nad maładym čałaviekam, lideram moładzievaj arhanizacyi «Małady Front» – Źmicieram Daškievičam. Jamu inkryminujuć «siabroŭstva i kiravańnie niezariehistravanaj arhanizacyjaj». Siońnia Źmicier znachodzicca ŭ turmie, u žudasnych umovach…5 kastryčnika byŭ aryštavany inšy moładzievy aktyvist 23-ch hadovy Pavał Krasoŭski, jakoha abvinavačvajuć ŭ teraryźmie i zabojstvach – nadzvyčaj ciažkich złačynstvaŭ, za jakija praduhledžvajecca navat pakarańnie śmierciu... Nie znajšoŭšy nivodnaj začepki, nivodnaha dokaza, što sp.Krasoŭski maje dačynieńnie da apisanych złačynstvaŭ, ułady byli vymušanyja jaho adpuścić. Ale kryminalny pieraśled nie spynieny», - havorycca ŭ zvaroc lidera abjadnanych demakratyčnych sił Biełarusi je.
Alaksandr Milinkievič nahadvaje, što pa ŭsioj Biełarusi za apošni hod prajšła mahutnaja chvala represijaŭ suprać prychilnikaŭ demakratyi, siabraŭ i lideraŭ demakratyčnych arhanizacyjaŭ i ŭ asablivaści heta tyčycca moładzi. Padčas padziejaŭ vybarčaj kampanii 2006 h. biełaruskaja moładź prajaviła vysokuju hramadzianskuju adkaznaść za los svajoj krainy i mužna zmahałasia za pieramohu demakratyi.
«Padčas vybarčaj kampanii tysiačy ludziej byli aryštavanyja. Siońnia bolš za 10 čałaviek za palityčnuju dziejnaść pazbaŭlenyja voli i znachodziacca za kratami. Siarod ich eks-kandydat u prezidenty Alaksandr Kazulin, palityki Mikoła Statkievič, Andrej Klimaŭ, moładzievyja lidery Pavał Sieviaryniec, Artur Finkievič. Režym nie spynicca na hetym, rychtujučy novyja i novyja abvinavačvańni i sudzilišča», - zaznačaje lider abjadnanych demakratyčnych sił.
«Ja zaklikaju Vas padtrymać tych, chto cierpić za svaju palityčnuju pazycyju ŭ Biełarusi, i zapatrabavać ad palityčnych lideraŭ Biełarusi spynieńnia palityčnych represijaŭ i vyzvaleńnia ŭsich palitviaźniaŭ», źviarnuŭsia Alaksandr Milinkievič da parłamietaryjaŭ.
Zvarot nakiravany ŭ parłamienty Aŭstaryi, Bielhii, Kipra, Čechyi, Danii, Estonii, Finlandyi, Francyi, Hiermanii, Hrecyi, Vienhryi, Irłandyi, Italii, Łatvii, Litvy, Luksiemburha, Mlty, Polščy, Partuhalii, Słavakii, Słavienii, Hišpanii, Šviecyi, Niderłanadaŭ, Vialikaj Brytanii, ZŠA, Rasii i Ukrainy.
Dadatkovaja infarmacyja:
(+375) 296 60 72 99 (Pavał Mažejka)
www.milinkevich.org
Kamientary