Spravu budzie razhladać sudździa Ała Bułaš – namieśnica staršyni sudu Kastryčnickaha rajonu Miensku. Matyvacyju zakryćcia pracesu ŭ sudzie nie paznačyli.
Pravaabarončamu centru «Viasna» stała viadoma, što sud nad Źmitrom Daškievičam, pryznačany na 30-ha kastryčnika ab 11-j hadzinie, budzie prachodzić u zakrytym režymie. Spravu budzie razhladać sudździa Ała Bułaš – namieśnica staršyni sudu Kastryčnickaha rajonu Miensku. Matyvacyju zakryćcia pracesu ŭ sudzie nie paznačyli.
Pravaabaroncy z centru «Viasna» ličać hety vypadak aburalnym.
— Pa-pieršaje, — kaža juryst Valancin Stefanovič, - Daškievič abvinavačany pa art. 193.1 KK Respubliki Biełaruś (dziejnaść ad imia niezarehistravanaj arhanizacyi), što parušaje jaho kanstytucyjnaje prava na svabodu asacyjacyj. Pa-druhoje, praces chočuć zrabić zakrytym: biaz dopusku žurnalistaŭ i šyrokaha kołu hramadzkaści – u lepšych tradycyjach stalinskich časoŭ. My ličym, što sprava maje hramadzki rezanans i tamu pavinna być adkrytaj. Miarkujem, što ŭłady takim čynam chočuć schavać padrabiaznaści metadaŭ pracy śledčych orhanaŭ, jakija ŭ masavym paradku vyklikali moładź na dopyty, akazvali na aktyvistaŭ cisk. Ččarhovy raz patrabujem nieadkładnaha vyzvaleńnia Źmitra Daškieviča i ličym jaho pieraśled palityčnym.
Nahadajem, lider arhanizacyi «Małady Front» Źmicier Daškievič byŭ uziaty pad vartu ŭ miežach kryminalnaj spravy pa art. 193.1 KK Respubliki Biełaruś (dziejnaść ad imia niezarehistravanaj arhanizacyi). 21 vieraśnia 2006 hoda jamu było pradjaŭlena aficyjnaje abvinavačańnie, miera strymańnia pakinutaja biaz źmienaŭ.
Budynak Kastryčnickaha suda znachodzicca pa adrasie: vuł. Siamaški, 33.
Kamientary