Pačynajecca maršrut ź Litaraturnaha muzeju, ad ekspazycyi, pryśviečanaj litaratury XIX stahodździa, la stendu Kastancina Veranicyna, jaki ličycca najvierahodniejšym aŭtaram ananimnaj paemy «Taras na Parnasie»
U Viciebsku raspracavali maršrut ekskursii-ekspedycyi «Šlachami Tarasa». Aŭtarki raspracoŭki – dyrektarka Viciebskaha litaraturnaha muzeju Śviatłana Kazłova dy supracoŭnica firmy «Patryjot-tur» Iryna Babrova.
Letaś prajekt prajšoŭ aprabavańnie dy ŭdaskanaleńnie, i narešcie z dapamohaj metadyčnaha abjadnańnia nastaŭnikaŭ-biełarusaznaŭcaŭ Čyhunačnaha rajona horadu Viciebsku ździejśniŭsia. U pieršaj ekskursii pryniali ŭdzieł vučni dy nastaŭniki 11 škołaŭ abłasnoha centru.
Pačynajecca maršrut ź Litaraturnaha muzeju, ad ekspazycyi, pryśviečanaj litaratury XIX stahodździa, la stendu Kastancina Veranicyna, jaki ličycca najvierahodniejšym aŭtaram ananimnaj paemy «Taras na Parnasie» (mo sa svaim tavaryšam pa viciebskaj himnazii Vulem). Potym ekspedycyja nakiroŭvajecca pa znakamitym pieciarburskim haścincy da vioski Mazałava, dzie ŭ XIX stahodździ ŭ falvarku-siadzibie Miłaje žyŭ adzin ź vierahodnych aŭtaraŭ paemy «Eneida navyvarat», viciebski vice-hubernatar i litaratar Ihnaci Mańkoŭski. Na žal, familnyja mohiłki, na jakich pachavali pradstaŭnikoŭ hetaha rodu, źniščylisia ŭ čas raspracoŭki piasčanaha karjeru.
Hałoŭnaja kropka maršrutu – Haradocki krajaznaŭčy muzej, jaki zaraz źjaŭlajecca centram tarasaznaŭstva, miescam stałych navukovych kanferencyjaŭ pa hetaj tematycy. Naprykancy ekskursanty naviedajuć viosku Astraŭlany – radzimu Kanstancina Vasilleva, jaki ŭ himnazii voźmie proźvišča Veranicyn.
Raspracoŭščyki maršrutu ličać, što jon chutka nabudzie viadomaść nia tolki siarod navučencaŭ Viciebsku, ale i ŭ respublikanskim maštabie.
Kamientary