Siońnia Babrujski sud admoviŭ deputatu harsavietu Alesiu Čyhiru ŭ adnaŭleńni na pracy. Zajaŭnik nia zhodny z pryčynami zvalnieńnia j patrabuje, kab haradzki adździeł adukacyi adnaviŭ jaho na pracy nastaŭnika.
Siońnia Babrujski sud admoviŭ deputatu harsavietu Alesiu Čyhiru ŭ adnaŭleńni na pracy. Zajaŭnik nia zhodny z pryčynami zvalnieńnia j patrabuje, kab haradzki adździeł adukacyi adnaviŭ jaho na pracy nastaŭnika.
20 kastryčnika sudździa Babrujskaha haradzkoha sudu Valancina Hołub adchiliła patrabavańni deputata miascovaha harsavietu Alesia Čyhira, jaki chacieŭ adnavicca na pracy. Zajaŭnik, jaki pracavaŭ u škole nastaŭnikam historyi, kaža, što ŭ jaho zastajecca mahčymaść abskardzić takoje rašeńnie.
(Čyhir: ) «Budu padavać kasacyjnuju skarhu ŭ Mahiloŭski abłasny sud. Faktyčna, jak ciapier davodziać, mianie nia zvolnili. Tłumačać, što nie padoŭžyli kantraktu. I tamu dazvołu sesii haradzkoha savietu na heta nie patrabujecca. Kantrakt byŭ na dva hady, i pracavaŭ ja nastaŭnikam historyi ŭ siaredniaj škole №8 horadu Babrujsku».
(Karespandent: ) «Vy spadziavalisia na inšaje rašeńnie sudu?»
(Čyhir: ) «Ja nie čakaŭ inšaha rašeńnia. Pasiedžańnie było karotkaje. Chutčej za ŭsio, materyjały byli padrychtavanyja zahadzia. Kazali, što ŭ mianie byŭ prahuł 25 sakavika. Ale heta była subota. Da hetaha ŭ subotu nikoli nie było ŭrokaŭ. Tady ž nibyta byŭ zahad dyrektara škoły, kab usie nastaŭniki znachodzilisia ŭ škole. A ja ŭ hety dzień pajechaŭ u Miensk na płošču».
Aleś Čyhir davodzić, što ŭ Biełarusi ciapier isnuje pieraśled nastaŭnikaŭ za palityčnyja pierakanańni. Surazmoŭca nahadvaje pra zvalnieńni nastaŭnikaŭ, deputataŭ miascovych savietaŭ Leanida Haravoha ŭ Haradku j Jaŭhiena Prakurata ŭ Biełaaziorsku.
(Čyhir: ) «Tut vielmi prostaja systema. Nastaŭnik – heta čałaviek, jaki zakładaje padmurak śviadomaści nastupnaha pakaleńnia. Kali nastaŭnik imkniecca da svabody, to i jaho vychavancy buduć śviadomyja. A voś kali nastaŭnika zrobiać rabom (a mienavita heta praduhledžvaje kantraktnaja systema), to j nastupnamu pakaleńniu heta pahražaje».
Pazbaŭleny pracy nastaŭnik maje troch niepaŭnaletnich dziaciej. Kab utrymlivać siamju, Aleś uładkavaŭsia ciapier na pracu ŭ niezaležnuju hazetu «Babrujski kurjer». Hetymi dniami materyjalnuju padtrymku siamji Čyhira akazała relihijnaje Bractva troch vilenskich pakutnikaŭ.
Ciapier čytajuć
Hałoŭny ideołah Biełarusi znajšoŭ u krainie «psieŭdapatryjatyčnyja jačejki» i zaklikaŭ da zmahańnia ź imi «adzinym bajavym kułakom»20
Kamientary