«Viciaź» byŭ nazvany ŭ liku bujnych pradpryjemstvaŭ, kiraŭniki jakich byli złoŭlenyja na karupcyi.
Staršy operupaŭnavažany pa asabliva važnych spravach hałoŭnaha ŭpraŭleńnia pa baraćbie z arhanizavanaj złačynnaściu i karupcyjaj Ministerstva ŭnutranych spraŭ Alaksandar Vadzianoj paviedamiŭ 20 kastryčnika na pres-kanferencyi, što pamier chabaraŭ, atrymanych adkaznymi asobami RUVP «Viciaź» siahaŭ 100 000 dalaraŭ ZŠA.
Z-za taho, što sprava viadziecca i ŭ hety čas, jon admoviŭsia paviedamić jakija-kolviek padrabiaznaści, ale ŭdakładniŭ, što kryminalnaja sprava była raspačataja pa artykule 430 Kryminalnaha kodeksu (atrymańnie chabaru).
Sytuacyja na «Viciazi» była pryviedzienaja staršym operupaŭnavažanym u jakaści prykładu vyjaŭleńnia padraździaleńniami MUS «kryminalnych schiemaŭ z udziełam karumpavanych adkaznych asobaŭ». Analahičnyja schiemy byli vyjaŭlenyja na ZAT «Druhi nacyjanalny kanał», RUVP «BiełAZ», AAT «Biełaruski šynny kambinat» i UP «Barysaŭski zavod biezałkaholnych napojaŭ».
