U Biełarusi stvorany stabilizacyjny fond na vypadak, kali cana rasiejskaha hazu ŭ nastupnym hodzie budzie na ŭzroŭni suśvietnaj, paviedamiŭ kiraŭnik Nacyjanalnaha banku Biełarusi Piatro Prakapovič.
Jon adznačyŭ, što ŭ fondzie nie vykarystoŭvajucca srodki z zołatavalutnych rezervaŭ krainy. «U fondzie praduhledžanyja vyklučna biudžetnyja srodki. Nakolki mnie viadoma, siońnia ŭ fondzie ŭžo bolš za 100 miljardaŭ biełaruskich rubloŭ (50 miljonaŭ dalaraŭ)», - skazaŭ Prakapovič.
Jon dadaŭ, što pry kancy hodu srodkaŭ u fondzie budzie značna bolej.
Prakapovič taksama ličyć, što pavyšeńnie cany na rasiejski haz «…nijak nie adabjecca na ekonomicy ŭ cełym i na zołatavalutnych rezervach krainy. Pavieličeńnie cany na haz vykliča nieabchodnaść uradu pracavać jašče ŭ bolš napružanym režymie, nam naležyć bolš napružana pracavać nad prodažam biełaruskich tavaraŭ i pasłuhaŭ na ekspart», – skazaŭ jon.
Razam z tym Prakapovič adznačyŭ, što biełaruski bok raźličvaje, što pavyšeńnie cany na haz u sajuznaj dziaržavie budzie iści pa praviłach, adzinych dla Biełarusi i Rasiei.
«Ciapier adpracoŭvajucca lubyja varyjanty pavyšeńnia koštu rasiejskaha hazu i ŭ suviazi z hetym – mahčymyja scenary ŭpłyvu pavieličeńnia koštu na ekanomiku», - skazaŭ Prakapovič.
Na siońniašni dzień siaredniaja cana rasiejskaha hazu ŭ Eŭropie składaje 230 dalaraŭ za 1000 kubametraŭ.
Fota photo.bymedia.net
