Tema pieranosu samitu SND raźvivajecca pa zakonach imklivaha tryleru. Mała taho, što pieraniesieny čas – z 16-17 kastryčnika niedzie na 28 listapada, dyk jašče i miesca praviadzieńnia akazałasia pad vializnym pytańniem.
Tema pieranosu samitu SND raźvivajecca pa zakonach imklivaha tryleru. Mała taho, što pieraniesieny čas – z 16-17 kastryčnika niedzie na 28 listapada, dyk jašče i miesca praviadzieńnia akazałasia pad vializnym pytańniem.
Pa źviestkach rasiejskaj hazety «Vriemia novostiej», kiraŭnikam dziaržaŭ Sadružnaści moža być prapanavana sabracca nia ŭ Miensku, a ŭ Ałmaty, dzie 15 hadoŭ tamu i było kančatkova abvieščana stvareńnie arhanizacyi byłych respublik SSSR.
«Z farmalnaha punktu hledžańnia ŭ spadara Nazarbajeva jość niekalki arhumentaŭ, kab stajać na svajoj prapanovie, – piša «VN», – pa-pieršaje, jon zaraz źjaŭlajecca staršyniom Sadružnaści. Pa-druhoje, mienavita jamu było daručana na papiarednim samicie SND padrychtavać prapanovy pa «vyratavańni» SND, raspracavać miery pa bolš efektyŭnym jaje funkcyjanavańni. I narešcie, pa-treciaje, Nursułtan Nazarbajeŭ, hetak ža jak i prezydenty Ŭzbekistanu i Turkmenii Isłam Karymaŭ i Saparmurat Nijazaŭ, – adzinyja, chto praciahvaje kiravać svaimi krainami ŭsie hetyja 15 hadoŭ z taho momantu, jak jany pastavili svaje podpisy pad ałma-acinskaj deklaracyjaj 1991 hodu pra zasnavańnie SND. Mienavita spadara Nazarbajeva z pavahaj, ale j nie biaz doli sarkazmu nazyvali ŭsie hetyja hady hałoŭnym «intehrataram» na postsavieckaj prastory».
Pakul prapanova pieranieści praviadzieńnie jubilejnaha samitu z stalicy SND Miensku ŭ Ałmaty publična na aficyjnym uzroŭni nie ahučanaja ni ŭ adnoj z stalic Sadružnaści. Bolš za toje, pavodle infarmacyi «VN», jak u MZS Rasiei, tak i ŭ MZS Kazachstanu nichto nie rychtujecca da hetkaj źmieny stalic. Adnak daśviedčanyja krynicy ŭ hetych viedamstvach śćviardžajuć, što heta ni pra što šče nia śviedčyć.
«Kali Alaksandar Łukašenka nie chavaŭ na dniach svajho abureńnia z-za taho, što terminy samitu SND prezydenty Rasiei i Kazachstanu pieranieśli bieź jahonaha viedama, imknučysia pachavać Sadružnaść, to jakija ž słovy jon adšukaje, kab zaklajmić taho, chto prapanuje ŭžo i sam samit u jaho «skraści?» – piša hazeta.
Viadučy navukovy supracoŭnik Maskoŭskaha centru Karnehi Alaksiej Małašenka zaŭvažyŭ u interviju «Niezavisimoj hazietie», što «heta naš adkaz Łukašenku, jaki zaŭždy pazycyjanavaŭ siabie jak čałaviek, nie zaležny ad Maskvy, a apošnim časam zrabiŭ šerah i ŭvohule nie parterskich zajaŭ, i da ŭsiaho heta dyskryminacyja Biełarusi ŭ cełym».
Fota photo.bymedia.net
Kamientary