Na prafiłaktyčnym uliku pa stanie na 1 kastryčnika ličylisia 1.774 žančyny, jakija złoŭžyvajuć ałkaholem.
Jak paviedamiŭ 19 kastryčnika na sieminary — naradzie pa prafiłaktycy pravaparušeńniaŭ namieśnik prakurora vobłaści Siarhiej Silvanovič, pavialičyłasia kolkaść žančyn, jakija znachodziacca na dyspansiernym uliku z roznymi zachvorvańniami, źviazanymi z užyvańniem ałkaholu i narkatyčnych srodkaŭ. Kali ŭ studzieni—vieraśni minułaha hoda hety pakazčyk składaŭ 5.006 žančyn, to za taki ž pieryjad hetaha — 5.085.
Na prafiłaktyčnym uliku pa stanie na 1 kastryčnika ličylisia 1.774 žančyny, jakija złoŭžyvajuć ałkaholem (1.711 žančyn — na 1 kastryčnika 2009‑ha).
Jak adznačyŭ namieśnik prakurora, niahledziačy na pamianšeńnie ŭ hety pieryjad kolkaści złačynstvaŭ, učynienych asobami ŭ stanie ałkaholnaha apjanieńnia (z 3.057 da 2.988), «pjanstva i ałkahalizm praciahvajuć akazvać niehatyŭny ŭpłyŭ na stan pravaparadku ŭ Mahiloŭskaj vobłaści». Udzielnaja vaha złačynstvaŭ, učynienych u stanie ałkaholnaha apjanieńnia, u rehijonie vyšejšy, čym u siarednim pa Biełarusi.
Najbolšaja ŭdzielnaja vaha takich złačynstvaŭ adznačana ŭ Kaściukovickim rajonie — 50,9% ad usich złačynstvaŭ u Mahiloŭskaj vobłaści.
Kamientary