Andrej Saśnicki: BATE padyšoŭ da matča z «Šeryfam» u aptymalnaj formie

Siońnia, 20 kastryčnika, u Ciraspali napiaredadni matču hrupavoha etapu Lihi Jeŭropy «Šeryf» — BATE hałoŭny trenier małdoŭskaha kłuba Andrej Saśnicki i paŭabaronca Alaksandr Jarochin praviali sustreču z žurnalistami.

Andrej Saśnicki, u pryvatnaści, zaznačyŭ:

Kazać pra nastroj i emacyjny ŭzdym budzie zališnim. Siońnia ŭsie futbalisty, trenierski i štab kamandy žyvuć budučaj hulnioj. My razumiejem składanaść hetaha matču. Hulajem ź lideram našaj hrupy. Heta raz. Pa-druhoje, siońnia

kamanda BATE padyšła da matču z «Šeryfam» ŭ aptymalnaj formie i ŭ aptymalnych fizičnych kandycyjach

Dumaju, što hulnia budzie dosyć ciažkaj, bo razyhryvajecca liderstva ŭ hrupie. Razyhryvajecca raźmierkavańnie miescaŭ u turnirnaj tablicy.

Jość u nas peŭnyja ciažkaści z hulcami.

Nie ŭsio ŭ aptymalnym funkcyjanalnym stanie. Jość traŭmavanyja. Jak ja ŭžo kazaŭ, heta Nełsan Fred. Mikratraŭmy ŭ Mirała Samardžyča i Džymi Fransa. U apošni dzień vyrašycca, nakolki hetyja traŭmy dazvolać im ŭdzielničać u hulni. A siońnia my ŭ pryŭźniatym nastroi, na dobrym fonie rychtujemsia, razmaŭlajem i kamunikujemsia jak na tearetyčnych, tak i na praktyčnych zaniatkach. Danosim da hulcoŭ toje, što nieabchodna. Kab zaŭtra, vyjšaŭšy na matč, jany byli najpierš byli ŭpeŭnienyja ŭ svaich siłach i viedali, što im rabić u toj ci inšaj hulniavoj situacyi.

Uličvajučy toje, što vy hulali ŭ Biełarusi, ci budzie heta dla vas dadatkovaj matyvacyjaj u zaŭtrašniaj hulni z BATE?

Viadoma, jak by ni było, ja ŭžo daŭno žyvu ŭ Biełarusi, za vyniatkam hetych troch hadoŭ, što pracuju ŭ Ciraspali. Jość peŭnaja padaploka, ale jana, napeŭna, bolš idzie z boku biełaruskich žurnalistaŭ. U mianie, viadoma, emacyjny padjom pavyšany. Ja, pa-pieršaje, dobra znajomy ź biełaruskim futbołam. Pa-druhoje, dobra viedaju kamandu BATE, jaje kiraŭnikoŭ i byłych trenieraŭ.

Učora ja skazaŭ chłopcam, što ŭ mianie vielizarnaje žadańnie damahčysia pośpiechu.

Pracujučy ŭ Biełarusi, u mianie nie atrymlivałasia pieramahčy barysaŭski kłub.

Čaho bolš aścierahajeciesia ad barysaŭskaj kamandy?

— Nie budzie sakretam vyłučyć barysaŭskuju ataku. Ich ahresiŭnaja hulnia napieradzie vyrazna prahladajecca i na vyjaznych matčach. Jany hulajuć u atakujučy futboł i vialikimi siłami atakujuć, navat hulajučy na vyjeździe. U ich jość dobryja hulcy, za jakimi treba vielmi ŭvažliva sačyć.

Strata kancentracyi, pilnaści moža pryvieści da surjoznych prablemaŭ.

• 0
• 0
• 0
• 0
• 0