29 kastryčnika – apošni dzień zboru podpisaŭ za kandydataŭ u prezidenty.
U štabach patencyjnych kandydataŭ dajuć nastupnyja ličby podpisaŭ, jakija buduć zdavacca ŭ vykankamy:
Uładzimir Niaklajeŭ – 164 tysiačy,
Jarasłaŭ Ramančuk – 115-120 tysiač,
Mikoła Statkievič – 115-120 tysiač,
Aleś Michalevič – 112 tysiač,
Vital Rymašeŭski – 104 tysiač,
Ryhor Kastusioŭ – 106 tysiač.
Viktar Ciareščanka, rytoryka jakoha nahadvaje rytoryku Hajdukieviča ŭzoru 2001 i 2006 hadoŭ, abiacaje padać 118-125 tysiač podpisaŭ.
Alaksandr Łukašenka sa svaim šmattysiačnym ideałahičnym aparatam padpisaŭ za siabie bolš za miljon hramadzianaŭ.
U štabach Andreja Sańnikava i Dźmitryja Usa kolkaść padadzienych u vykankamy podpisaŭ nazvać nie zmahli. Adnak pavodle źviestak kiraŭnika štaba Uładzimira Kabca, na 28 kastryčnika Sańnikaŭ užo zdaŭ 122 tysiačy podpisaŭ i praces zdačy praciahvajecca.