31 kastryčnika ŭ Miensku adbyłosia tradycyjnaje šeście ŭ Kurapaty.
Vynikovy videarepartaž:
Jak i zaŭždy, sioleta jaho ładziła
U samim šeści aktyŭny ŭdzieł uziała i Partyja BNF, inšaja častka koliś adzinaha Narodnaha Frontu.
Ad pačatku ŭ im udzielničaŭ staršynia partyi Alaksiej Janukievič i kandydat na prezidenckuju pasadu Ryhor Kastusioŭ. Uziali ŭdzieł u «Dziadach» i inšyja kandydaty. Andrej Sańnikaŭ, Vital Rymašeŭski, Mikoła Statkievič i Uładzimir Niaklajeŭ.Try pieršyja niejki čas išli razam z kałonaj, aktyŭna razmaŭlajučy z udzielnikami šeścia, a Niaklajeŭ padjechaŭ na mitynh. Padčas mitynhu kiraŭnictva
14:51
Juraś Bieleńki skončyŭ mitynh. Naprykancy pramovy jon zaklikaŭ ludziej 7 listapada dałučycca da žałobnaha šeścia ŭ Łošycki jar, kab i tam ušanavać achviar stalinskich represij.
Ciapier ludzi ŭstaloŭvajuć kryžy i zapalvajuć źnički.
14:38
Namieśnik staršyni KPB‑BNF Juraś Bieleńki ŭ svajoj pramovie adznačyŭ, što mienavita z Kurapataŭ u svoj čas pačałosia nacyjanalnaje Adradžeńnie. Taksama Bieleńki zrabiŭ ekskurs u zusim niadaŭniuju historyju, kali moładź nie dała zbudavać praz uročyšča kalcavuju darohu.
Valery Bujvał začytaŭ zvarot ad Zianona Pazianka. Siarod inšaha, staršynia KCHP‑BNF zaklikaŭ nie prymać udzieł u falšyvych vybarach.
Juraś Bieleńki ŭspomniŭ trahiedyju, što zdaryłasia na hetym tydni ŭ Pinsku. Palityk zaklikaŭ ušanavać zahibłych u hetym horadzie chvilinaj maŭčańnia.
14:11
Na hary va ŭročyščy Kurapaty pačynajecca miemaryjalny mitynh. Ludzi vystrailisia kołam vakoł arhanizataraŭ. Pramaŭlać buduć najpierš siabry KCHP‑BNF. Naŭrad ci niechta vystupać z kandydataŭ u prezidenty.
Darečy, da akcyi dałučyŭsia lidar kampanii «Havary praŭdu» Uładzimir Niaklajeŭ.
14:06
Udzielniki akcyi dajšli da ŭročyšča.
Ludziej vielmi šmat. Nadvorje taksama ŭśmichajecca demanstrantam — ceły dzień śviecić soniejka.
13:47
Šeście dajšło da kalcavoj.
12:35
Šeście zaraz znachodzicca na pierasiačeńni vulic Siadych i Kalinoŭskaha.
Ludziej pabolej. Zaraz u akcyi prymaje ŭdzieł prykładna 700 čałaviek.
Ludzi hukajuć «Žyvie Biełaruś!». Žančyny z KCHP‑BNF śpiavajuć biełaruskija pieśni. Moładź čas ad času sprabuje zapieć niešta z «narodnaha albomu».
Adzin z arhanizataraŭ akcyi na «Dziady» Juraś Bieleńki admoviŭsia kamientavać chadu mierapryjemstva. Jon zaznačyŭ, što ŭsio budzie skazana va ŭročyščy Kurapaty.
12:11
Šeście pavaročvaje z praśpiektu Niezaležnaści. Ludskaja kałona raściahnułasia prykładna na 300 mietraŭ.
Pryjšoŭ na akcyju Pavieł Sieviaryniec.
Jość zdymačnaja hrupa NTV, šmat inšych žurnalistaŭ.
11:49
Vital Rymašeŭski, jaki bałatujecca na vybarach ad Biełaruskaj chryścijanskaj demakratyi, pryjšoŭ na šeście razam z maleńkaj dačkoj.
Rymašeŭski kaža, što važna pomnić pra hetyja trahičnyja padziei z historyi Biełarusi, kab nie pieratvarycca ŭ mankurtaŭ.
11:45
Ludzi dajšli da Nacyjanalnaj biblijateki.
Kandydat u prezidenty Mikałaj Statkievič kaža, što dla jaho ŭdzieł u Dziadach tradycyjny.
«Ja nie tolki ŭšanoŭvajuć pamiać usich achviaraŭ represij, ale i z asabistych pryčyn. U 1938 hodzie byŭ rasstralany moj dzied pa kudzieli», — kaža M.Statkievič.
Sacyjał‑demakraty Statkieviča voźmuć udzieł tolki ŭ pačatku akcyi, potym jany syduć na uschodnija mohiłki, kab ušanavać pamiać Michasia Tkačova.
Mikałaj Statkievič padziakavaŭ KCHP‑BNF za štohadovuju arhanizacyju šeścia, i za dahledžvańnie miemaryjału ŭ Kurapatach.
11:28
Kandydat u prezidenty ad Partyi BNF Ryhor Kastusioŭ kaža, što dla jaho heta «sprava honaru ŭdzielničać u takich akcyjach».
«Nieabchodna ŭšanoŭvać usich achviaraŭ stalinskich represij, što byli ździejśnieny na terytoryi Biełarusi. A pa‑druhoje, dla mianie prajścisia pad bieł‑čyrvona‑biełym ściaham pa vulicach Miensku — zaŭsiody śviata», — zaznačyŭ palityk.
Zaraz Ryhor Kastusioŭ i Alaksiej Janukievič źjazdžajuć u Mahiloŭ, kab pravieści sustrečy z aktyvam, a taksama ŭšanavać achviaraŭ represij tam.
11:25
Udzielniki akcyi dajšli da stancyi mietro «Maskoŭskaja».
Vizualna ludziej na sioletniaj akcyi bolš, čym było letaś.
Vielmi šmat ściahoŭ. Prykładna 60‑70.
Udzielničajuć u mierapryjemstvie Viktar Ivaškievič i Viačasłaŭ Siŭčyk.
11:07
Šeście pačałosia. U im udzielničaje kala 400 čałaviek.
Źjavilisia novyja raściažki «KCHP‑BNF», «Ušanujma achviaraŭ Kurapataŭ», jašče adna «Dziady».
Źjavilisia kryžy, ich kala dziesiaci. Kryžy źbivalisia ŭ skviery da parka Čaluskincaŭ.
Jość ściahi «Maładoj Biełarusi». Prysutničaje niekalki čałaviek z «Havary praŭdu», ale samoha Uładzimira Niaklajeva niama.
Pryjšoŭ Mikałaj Statkievič.
Nielha adnaznačna kazać ludziej jakoha pakaleńnia bolš na akcyi. Bo jość, jak i piensijaniery, tak i moładź.
Skandzirujuć «Žyvie Biełaruś!».
10:48
La hadzińnikavaha zavodu sabrałasia kala 200 čałaviek. Vielmi šmat ściahoŭ. Pieravažajuć, naturalna, bieł‑čyrvona‑biełyja. Ale jość i ściahi «Maładoha frontu», BCHD, BNF, «Jeŭrapiejskaj Biełarusi», horadu Minsku.
Z kandydataŭ u prezidenty na zbory prysutničajuć Ryhor Kastusioŭ i Andrej Sańnikaŭ. Hrupa «Jeŭrapiejskaj Biełarusi» ŭ sinich šalikach hrupujecca kala svajho lidara.
Tradycyjnych kryžoŭ pakul nie bačna. Ludzi ŭžo pačynajuć šychtavacca. Napieradzie raściažka «Dziady», a taksama «Małady front». Ludziam razdajuć paviazki «Dziady».
Vielmi šmat «cicharoŭ».
Prysutničajuć Juraś Bieleńki, Alaksiej Janukievič, Artur Fińkievič, Źmicier Daškievič.
Niamnoha, ale pryjechali ludzi i z rehijonaŭ. Prynamsi, ź Viciebska i Mahilova.