U Murmanskaj vobłaści zatrymany hramadzianin Biełarusi Alaksandr Trubnikaŭ, jaki adšukvajecca na radzimie za deziercirstva. Pra heta paviedamiła Murmanskaje infarmacyjnaje ahienctva.
Ustanoŭlena, pieradaje ahienctva, što ŭ studzieni 2009 hoda Partyzanskim rajonnym vajennym kamisaryjatam Minska Alaksandr Trubnikaŭ byŭ pryzvany na terminovuju vajennuju słužbu, jakuju prachodziŭ u adnoj z voinskich čaściej u Minskim rajonie.
U kancy maja 2010 hoda, znachodziačysia ŭ sutačnym naradzie pa stałovaj, małady čałaviek samavolna pakinuŭ terytoryju čaści i ŭciok.
Pa hetym fakcie pravaachoŭnymi orhanami Biełarusi była raspačata sprava na padstavie č. 1 art. 446 Kryminalnaha kodeksa, vajennasłužačy abjaŭleny ŭ vyšuk. Paśla jaho zatrymańnia ad namieśnika hienprakurora Biełarusi na imia hienprakurora Rasii pastupiła chadajnictva ab vydačy Trubnikava dla pryciahnieńnia da kryminalnaj adkaznaści za deziercirstva.
Pavodle chadajnictva prakurora Pieršamajskaj akruhi sudom u dačynieńni da Trubnikava abrana miera strymańnia ŭ vyhladzie źmiaščeńnia pad vartu dla zabieśpiačeńnia mahčymaści jaho vydačy biełaruskim pravaachoŭnym orhanam. Paśla aryštu Trubnikaŭ utrymlivajecca ŭ śledčym izalatary Murmanska i čakaje pryniaćcia rašeńnia ab vydačy.
Prakuraturaj vobłaści ŭ hienprakuraturu RF nakiravany materyjały ekstradycyjnaj pravierki z zaklučeńniem ab mahčymaści vydačy maładoha čałavieka Biełarusi. Jak vynikaje ź mižnarodnych dahavoraŭ i rasijskaha zakanadaŭstva, pieraškod hetamu niama.
Za samavolnaje pakidańnie čaści abo miesca słužby z metaj uchileńnia ad voinskaj słužby Kryminalnym kodeksam Biełarusi praduhledžana pakarańnie
ŭ vyhladzie pazbaŭleńnia voli ad dvuch da siami hadoŭ.