Žychar Salihorsku Pavieł Batujeŭ vyrašyŭ źviarnucca na miascovaje telebačańnie, kab pavinšavać Alaksandra Łukašenku z dniom Kastryčnickaj revalucyi.
U jakaści padarunka jon paprasiŭ pastavić pieśniu hurta DDT «V pośledniuju osień».Dziažurnaja, ź jakoj Pavieł razmaŭlaŭ pieršapačatkova, prapanavała chłopcu pryjechać na telekanał, kab abmierkavać hetaje pytańnie, bo «zamova niezvyčajnaja».
Batujeŭ nie palenavaŭsia i na nastupny dzień pryjechaŭ na telebačańnie. Hałoŭnaha redaktara na miescy nie akazałasia. Razmaŭlać ź im zhadziłasia namieśnica redaktara.
Žančyna adrazu zapytałasia, ci maje Pavieł pravy na klip hurtu DDT. Chłopiec ščyra pryznaŭsia, što nie. Kali zapytaŭsia, ci maje telekanał pravy na ŭsie klipy, što tranśliruje, to atrymaŭ stanoŭčy adkaz.
Saliharčaninu prapanavali napisać tekst vinšavańnia. Voś što atrymałasia: «Dorohich Aleksandra i Koleńku Łukašienko pozdravlaju s hosudarstviennym prazdnikom Riespubliki Biełaruś Dniom Vielikoj Socialističieskoj Rievolucii! Žiełaju vam zdorovja i dołhich let mudroho upravlenija našiej stabilno proćvietajuŝiej stranoj!».
Pieśniu dla vinšavańnia jon abraŭ My Immortal (Moj biaśśmiertny) hurtu Evanescence (Źniknieńnie). Adnak błank u Batujeva prymać admovilisia.
«Ja pakinuŭ zapis u knizie skarhaŭ i prapanovaŭ z patrabavańniem patłumačyć mnie piśmova matyvy admovy, a ŭ razmovie pacikaviŭsia ci nie vyklikana jana asabistaj antypatyja da prezidenta», — kaža P.Batujeŭ.
Ciapier chłopiec prapanoŭvaje 7 listapada kožnamu źviartacca ŭ redakcyi telekanałaŭ i radyjostancyj, kab skazać
«dziakuj za mocnuju i kvitniejučuju Biełaruś, za vysačezny ŭzrovień i pryhožaje mastactva, za charčprom, sport i prahramu adradžeńnia siała, za Dažynki i flikiery».
Zaklik Batujeva majuć namier padtrymać mnohija błohiery.
