Padpałkoŭnik Kazłoŭ adkazaŭ Jarmošynaj: Vydaje indulhiencyju falsifikataram
Svajoj biaździejnaściu kiraŭnik CVK vydaje indulhiencyju pravakataram i falsifikataram, ličyć były milicyjant.
Staršynia CVK Lidzija Jarmošyna nazvała siensacyjnuju zajavu padpałkoŭnika milicyi Mikałaja Kazłova ab falsifikacyi na parłamienckich vybarach 2008 hoda staroj pravakacyjaj. Aficer joj adkazaŭ: «Treba było nie ŭpadać u šok, a patrabavać praviadzieńnia dbajnaj abjektyŭnaj pravierki». Jon prapanuje Jarmošynaj zrabić heta ciapier. I nahadvaje, što ŭ vykładzienych im faktach dvuchhadovaj daŭniny vidavočna prysutničajuć prykmiety składu złačynstva, praduhledžanaha art. 192 Kryminalnaha kodeksa Respubliki Biełaruś.
Na niadaŭniaj
Lidzija Jarmošyna: «Heta staraja pravakacyja, prosta padniataja na infarmacyjnaje pole ŭ apošnija dni»
— Da nas jon nie źviartaŭsia, — zajaviła Lidzija Jarmošyna. — Jak vy viedajecie, publikacyj — ich šmat, dosyć… Što ž datyčyć spadara Kazłova, ja dumaju, što heta staraja pravakacyja, prosta padniataja na infarmacyjnaje pole ŭ apošnija dni prosta za adsutnaściu inšych navin i pravakacyj. Možna było padzialicca i hetaj… I ja pamiataju hetuju infarmacyju vielmi dobra, jana prajšła ŭ dzień parłamienckich vybaraŭ dva hady tamu.
I, naturalna, heta byŭ šok dla mianie i dla tych, chto arhanizoŭvaŭ vybary.Na miesca, u dadzienuju vybarčuju kamisiju, tut ža byli nakiravanyja praviaralniki ad Centralnaj kamisii. Uviečary ŭsie naziralniki, mižnarodnyja u tym liku, miascovyja, nacyjanalnyja, usie sabralisia na dadzienym vybarčym učastku. I nijakich pytańniaŭ paśla padliku hałasoŭ i pa vynikach nazirańnia ni ŭ adnoj naziralnaj misii nie było. Bolš za toje, hety vypadak, pra jaki było viadoma ŭ tym liku naziralnaj misii ABSIE, nie ŭvajšoŭ u zaklučnuju spravazdaču misii ABSIE.
Spadar Labiedźka, jaki ciapier pra heta kaža, źviartajučysia sa skarhaj ab pryznańni vynikaŭ vybaraŭ niesapraŭdnymi, ničoha pra hety fakt navat i nie paviedamiŭ.
Mikałaj Kazłoŭ: «Treba było nie ŭpadać u šok, a patrabavać praviadzieńnia dbajnaj abjektyŭnaj pravierki»
Voś adkaz padpałkoŭnika milicyi Mikałaja Kazłova Lidzii Jarmošynaj:
— Hramadzianka Jarmošyna, ja vymušany źviarnucca da vas praz hazietu, bo vy publična dazvolili sabie ŭsumnicca ŭ dakładnaści vykładzienych mnoju ŭ «Narodnaj Voli» faktaŭ ab falsifikacyi vynikaŭ daterminovaha hałasavańnia ŭ Pałatu pradstaŭnikoŭ Nacyjanalnaha schodu ŭ vieraśni 2008 hoda na ŭčastku № 463 Staravilenskaj akruhi № 105 u horadzie Minsku, śviedkam čaho ja byŭ.
Naŭprost abvinavacić mianie ŭ manie vy nie navažylisia, tamu jak minimum dapuskajecie, što ŭsio, pra što ja raskazaŭ, — praŭda.Ale ŭ toj ža čas hetyja padziei vy akreślili jak pravakacyju. I voś tut ja z vami zhodny. Ale z adnym udakładnieńniem: u dadzienym vypadku pravakataram źjaŭlajecca asoba (ci asoby), ad jakoj zychodziła inicyjatyva, padbuchtorvańnie i, ja miarkuju, surjozny cisk na siabraŭ vybarčaj kamisii, jakim daviałosia ŭkinuć biuleteni ŭ skrynki paśla taho, jak učastak byŭ začynieny, a skrynki dla hałasavańnia apiačatanyja. Vyśviatleńnie asoby hetaha (abo hetych) pravakatara i musić być našaj ahulnaj metaj. (Bo staršynia kamisii z
Hramadzianka Jarmošyna, vy čaściakom pazicyjanujecie siabie adukavanym čałaviekam i kvalifikavanym jurystam, u suviazi z hetym chočacca źviarnuć uvahu na niekalki prostych iścin.
Kali vy ličycie siabie jurystam, to jak minimum razumiejecie, što ŭ vykładzienych mnoju faktach dvuchhadovaj daŭniny vidavočna prysutničajuć prykmiety składu złačynstva, praduhledžanaha art. 192 Kryminalnaha kodeksa Respubliki Biełaruś.Značyć, tady, 28 vieraśnia 2008 hoda, treba było nie ŭpadać u šok, u jaki, pa vašych słovach, vy ŭpali, nie čakać, ci zaŭvažać naziralniki falsifikacyju (a mnie dumajecca, ukinutyja biuleteni byli identyčnymi pa kolery, pamiery i afarmleńni ŭsim astatnim), a jak słužbovaja asoba, kiraŭnik CVK, juryst i, narešcie, sumlenny čałaviek zapatrabavać praviadzieńnia ŭ terminovym paradku dbajnaj abjektyŭnaj pravierki. Bo tady ŭ internecie źjaviłasia nastupnaja infarmacyja: «Siońnia, 28 vieraśnia, spadar Kazłoŭ byŭ vyklikany da kiraŭnictva RUUS Centralnaha rajona Minska, dzie ad jaho zapatrabavali admovicca ad svaich namieraŭ, pahražajučy niehatyŭnymi nastupstvami. Paśla taho jak supracoŭnik milicyi admoviŭsia ad „prapanovaŭ“ načalstva, kiraŭnictva RUUS źviazałasia z učastkovaj kamisijaj. Razam jany vyrašyli skłaści adpaviednyja dakumienty ab parušeńni padpałkoŭnikam paradku na vybarčym učastku i stvareńni pieraškodaŭ u pracy kamisii. Čym skončycca hety skandalny vypadak — pakul nieviadoma».
Heta značyć, majo proźvišča, zvańnie i miesca pracy byli vam viadomyja. I kali, jak vy kažacie, na dadzieny ŭčastak tut ža «byli nakiravanyja praviaralniki ad Centralnaj kamisii», to ŭ mianie łahična ŭźnikaje pytańnie:
jak i što jany praviarali, čamu nie zrabili łaski majoj ścipłaj piersonie i nie zadali mnie šerah pytańniaŭ? Ja b z zadavalnieńniem na ich adkazaŭ. Ci, moža być, heta i byli tyja samyja pravakatary?
Adnak tady, miarkujučy pa ŭsim, vy chutka akryjali ad šoku i całkam spakojna, z ułaścivaj vam abyjakavaściu ŭsio abvierhli. Choć, paŭtaraju, jak možna było niešta asprečvać biez pravierki? Paviedamleńnie ab fakcie falsifikacyj na ŭčastku № 463 Staravilenskaj akruhi № 105 na sajcie «Chartyja '97» źjaviłasia ŭ 12 hadzin 29 chvilin 28 vieraśnia 2008 hoda. A ŭžo ŭ 15.27 taho ž dnia na sajcie «SB Biełaruś Siehodnia» była raźmieščanaja infarmacyja nastupnaha źmiestu.
«Staršynia CVK Lidzija Jarmošyna abviarhaje infarmacyju AHP pra nibyta najaŭnyja parušeńni padčas hałasavańnia.
Pa słovach Lidzii Jarmošynaj, pryčynaj raspaŭsiudžańnia niehatyŭnaj infarmacyi z boku AHP moža być toje, što „vybary prachodziać zanadta dabratvorna“. „Źviestki ŭ dačynieńni da pałkoŭnika (mienavita tak było napisana ŭ infarmacyi na sajcie „SB Biełaruś Siehodnia“), jaki nibyta byŭ śviedkam ukidu biuleteniaŭ u skryniu, pravieranyja MUS i całkam asprečanyja“, — zajaviła Ł. Jarmošyna».
Upeŭnieny, daviedacca praŭdu vy mahli b ciapier, kali b, viadoma, paličyli patrebnym. U vašych siłach zapatrabavać ad orhanaŭ prakuratury pravieści apieratyŭnaje i abjektyŭnaje rasśledavańnie, adchiliŭšy na čas pravierki ad vykanańnia słužbovych abaviazkaŭ usich asobaŭ, jakija majuć dačynieńnie da incydentu.
Hramadzianka Jarmošyna, davodžu da vašaha viedama, što praz 20 dzion paśla publikacyi ŭ haziecie «Narodnaja Vola» i 17 z dnia zvarotu ŭ prakuraturu Labiedźki sa mnoj nichto nie znajšoŭ času navat pahavaryć. Vam jak jurystu hetaja akaličnaść pavinnaja zdavacca aburalnaj, kali nie skazać bolš.
Akramia taho, na moj pohlad, nie varta vam kryčać ab tym, što, maŭlaŭ, dva hady tamu spadar Labiedźka, źviartajučysia ŭ Centrvybarkam sa skarhaj ab pryznańni vynikaŭ vybaraŭ niesapraŭdnymi, ab hetym fakcie ničoha nie skazaŭ. Najaŭnaść albo adsutnaść reakcyi z hetaj nahody z boku kandydataŭ, jakija ŭdzielničali ŭ parłamienckich vybarach, nielha adnieści da dokazaŭ, jak vy śćviardžajecie, i tym bolš nijak nie pavinna ŭpłyvać na vykanańnie vami słužbovych abaviazkaŭ, źviazanych z zabiaśpiečańniem sumlennych vybaraŭ.
Vy abmiežavalisia siońnia, na pieršy pohlad, niejtralnym kamientarom, a pa sutnaści admovilisia prykłaści choć krychu namahańniaŭ dla zabiaśpiečańnia sumlennych vybaraŭ. Svajoj biaździejnaściu tady i ciapier vy vydajacie indulhiencyju nie tolki byłym, ale i budučym pravakataram i falsifikataram, ciapier užo na vybarach prezidenta Respubliki Biełaruś.
Nie mahu ŭtrymacca i nie paprasić vas da blizkich vybaraŭ pasprabavać vykaranić pravavy nihilizm siarod siabraŭ vybarčych kamisij.
Nu rastłumačycie padnačalenym, što lubaja falsifikacyja vybaraŭ — heta kryminalnaje złačynstva, za jakoje praduhledžanaje pakarańnie da 5 hadoŭ pazbaŭleńnia voli.Moža, heta dazvolić ludziam, u bolšaści svajoj prystojnym, zachavać samapavahu, bo źjavicca stymuł biez usialakaj bojazi za nastupstvy dla siabie i svajoj siamji skazać nie falsifikacyjam!
I apošniaje. Vy kažacie: «…niama sensu jaje (infarmacyju) razhladać druhi raz, tamu što ŭ 2008 hodzie ŭsiakaje reahavańnie, jakoje mahło adbycca ŭ hetyja dni, u kastryčniku 2008 hoda, jano było, jano adbyłosia».
Z usiaho vami skazanaha ja ŭbačyŭ tolki reahavańnie vašaha arhanizmu ŭ vyhladzie šoku, a chaciełasia b pravavoha reahavańnia i adpaviednaj acenki.Darečy, starymi pravakacyi, a
Kamientary