Ułada44

Kastusioŭ: My nie płanujem hvałtoŭnuju biełarusizacyju

My nie vystupajem za zabaronu vykarystańnia ruskaj movy. My vystupajem za adradžeńnie biełaruskaj movy.

Kandydat ŭ prezidenty Ryhor Kastusioŭ u vypadku svajoj pieramohi na vybarach nie płanuje pravodzić hvałtoŭnuju biełarusizacyju.

Pra heta jon paviedamiŭ 2 śniežnia padčas anłajn-kanfierencyi na sajcie internet-haziety BiełaPAN Naviny.by («Biełorusskije novosti»).

«My płanujem padtrymku biełaruskaj movy i stvareńnie ŭmovaŭ, pry jakich narod sam zachacieŭ by havaryć pa-biełarusku»,

— padkreśliŭ Kastusioŭ.

Pavodle jaho słoŭ, «budzie dziaržaŭnaja prahrama raźvićcia biełaruskaj movy, raźličanaja na dziesiać hadoŭ».

«My nie vystupajem za zabaronu vykarystańnia ruskaj movy, — adznačyŭ jon. — My vystupajem za adradžeńnie biełaruskaj movy.

I heta my prapanujem raspačać ź pieravodu vyšejšych navučalnych ustanoŭ na adukacyju pa-biełarusku. I rabicca heta budzie praź sistemu dapłaty tym vykładčykam, chto budzie vykładać svoj pradmiet na biełaruskaj movie».

Kastusioŭ zajaviŭ, što Partyja BNF nie vystupała suprać ruskaj abo inšych movaŭ. «My — za svabodnaje karystańnie imi ŭ našaj krainie, ale pry pryjarytecie biełaruskaj movy ŭ śfierach adukacyi, kultury i dziaržaŭnaha spravavodstva. Što tyčycca movaŭ nacyjanalnych mienšaściaŭ, to my vystupajem za stvareńnie ŭmovaŭ pa vyvučeńni ich u miescach kampaktnaha pražyvańnia adpaviednych nacyjanalnych mienšaściaŭ. Ciapierašni režym, jak vy sami viedajecie, takich umovaŭ nie stvaraje», — skazaŭ jon.

Palityk nie suprać taho, kab biełaruskija dzieci «vyvučali i anhlijskuju, i niamieckuju, i ispanskuju, i navat kitajskuju movy». «Čym bolš movaŭ buduć viedać našy dzieci, tym jany buduć razumniejšyja, — adznačyŭ jon. — Ale ja chaču, kab našy dzieci nie zabylisia, što jany ŭ pieršuju čarhu — biełarusy. I, kab nas pavažali ŭ śviecie, nieabchodna, kab my pavažali sami siabie. A pavaha da samich siabie — heta i jość pavaha da našaj movy, da našaj kultury, da našaj Baćkaŭščyny».

Pavodle słoŭ Kastusiova, «u Jeŭropie biełarusy — amal što adziny narod, jaki admaŭlajecca ad svajoj movy».

«Nie pavažajučy svaju kulturu i movu, my vykazvajem svaju niepavahu da našych prodkaŭ, jakija stahodździami žyli na hetaj ziamli. A ŭ naroda, u jakoha niama histaryčnaj pamiaci, niama pavahi da svajho minułaha, — niama i budučyni. Ja ŭpeŭnieny, što bieź biełaruskaj movy budučyni ŭ biełaruskaha naroda niama», — ličyć palityk.

Kastusioŭ adznačyŭ, što «nivodzin narod, jaki zabyvaje svaju kulturu, nie stanovicca bahatym». «Voźmiem Narviehiju, dzie stahodździe tamu nazad situacyja z narviežskaj movaj była navat horšaja, čym zaraz u Biełarusi ź biełaruskaj. Tady heta była prosta pravincyja Šviecyi. Ale, adradziŭšy svaju rodnuju movu i zdabyŭšy niezaležnaść, narviežcy dasiahnuli vializnych pośpiechaŭ i ŭ ekanamičnym, i ŭ sacyjalnym, i kulturnickim płanie. Voś hetaha ja žadaju i našaj rodnaj Biełarusi», — skazaŭ jon.

Pry hetym Kastusioŭ adznačyŭ, što «kavałak chleba na stale i sała ŭ chaładzilniku — heta nie prykmieta patryjatyzmu, a navat naadvarot. Bo čałavieku, jaki zakłapočany tolki hetym, niavažna, žyvie jon u svabodnaj krainie ci ŭ akupavanaj čužyncami».

Kamientary44

Bajden nie źbirajecca zdymacca z vybaraŭ i abiacaje pieramohu niahledziačy na sumnievy ŭ jaho zdaroŭi1

Bajden nie źbirajecca zdymacca z vybaraŭ i abiacaje pieramohu niahledziačy na sumnievy ŭ jaho zdaroŭi

Usie naviny →
Usie naviny

Čym siońnia zajmajucca niekali viadomyja hieroi ŽŽ? Spojler: mnohija tak i nie zakinuli błohierstva5

Hiermanija ŭ 1/4 finału. Ale dla niemcaŭ usio tolki pačynajecca2

Pucin sprabuje pieradać chusitam balistyčnyja i kryłatyja rakiety — amierykanskaja vyviedka3

Pakul Jeŭra-2024 idzie biez nas, biełarusy zhulali ŭ tarfiany futboł. Ale i tut prajhrali2

Izrail pamianiaŭ praviły biaźvizavaha ŭjezdu ŭ krainu3

Italija, pieramožca minułaha Jeŭra, ciapier vylecieła ŭ 1/8 finału — 0:2 ad Šviejcaryi VIDEA

Słava Kamisaranka raskazaŭ, jak jaho kancerty čatyry razy miniravali4

«Ejsmant pačytała hety vaš tvitar i taksama ŭłupiła Azempik». Najlepšyja tvity tydnia4

Analityk nazvaŭ try pryčyny taho, čamu Ukraina zachoŭvaje dypłamatyčnyja adnosiny ź Biełaruśsiu16

bolš čytanych navin
bolš łajkanych navin

Bajden nie źbirajecca zdymacca z vybaraŭ i abiacaje pieramohu niahledziačy na sumnievy ŭ jaho zdaroŭi1

Bajden nie źbirajecca zdymacca z vybaraŭ i abiacaje pieramohu niahledziačy na sumnievy ŭ jaho zdaroŭi

Hałoŭnaje
Usie naviny →