U Biełarusi stvorany zavod, jaki sam u stanie vyrablać unikalnyja kaśmičnyja aparaty, paviedamiŭ Alaksandr Łukašenka na IV Usiebiełaruskim narodnym schodzie.
«Ale navat nie heta hałoŭnaje, — skazaŭ jon. — Kaśmičnyja prahramy stymulavali raźvićcio cełaha płasta zapatrabavanych u śviecie technałohij, jakija ŭžo ŭ niekalki razoŭ kampiensavali ŭkładzienyja srodki».
Pavodle słoŭ Łukašenki, u najbližejšyja piać hadoŭ kaśmičnyja technałohii pryjduć u paŭsiadzionny ŭžytak kamiercyjnych i kiraŭnickich rašeńniaŭ pradpryjemstvaŭ u sielskaj, lasnoj, vodnaj haspadarcy, mielijaracyi i inšych.
«U hetym siektary jość dobry ekspartny patencyjał», — ličyć prezident. Joje dadaŭ, što na raboty, jakija ažyćciaŭlajucca sumiesna z rasijanami ŭ kaśmičnaj halinie, majecca «vialiki popyt». «Toje pradpryjemstva, jakoje pracuje ŭ hetym siektary, u tym liku i na abaronu, maje zakazaŭ na ŭsiu nastupnuju piacihodku», — zaznačyŭ Łukašenka.