Sustreča adbyłasia ŭ pierapoŭnienaj zale fiłarmonii.
Sustreča adbyvałasia ŭ pierapoŭnienaj zali Haradzienskaj abłasnoj filharmonii, raźličanaj na 800 miescaŭ. Prachody ŭ zale taksama byli zapoŭnienyja, niekatorym navat daviałosia stajać i słuchać kandydata ŭ prezydenty ŭ faje budynku.
Andrej Sańnikaŭ pryjechaŭ na sustreču ŭ Horadniu z davieranymi asobami: palitykam Stanisłavam Šuškievičam, ekanamistam Leanidam Złotnikavym, pieršym ministram abarony Biełarusi Paŭłam Kazłoŭskim.
Vystupleńnie Andreja Sańnikava było karotkaje. Jon havaryŭ ab nieabchodnych palityčnych reformach: padziele ŭładaŭ, ekanamičnych pieraŭtvareńniach — nieabchodnaści pryvatyzacyi, raźvićci małoha i siaredniaha biznesu, sacyjalnaj abaronie nasielnictva, adukacyi i achovie zdaroŭja, pensijach i inšym.
Pry hetym pryvodziŭ prykłady taho, jak padobnyja reformy adbyvalisia ŭ krainach Uschodniaj Eŭropy i zaklikaŭ nie bajacca reformaŭ.
Adno ź pieršych pytańniaŭ z zali datyčyła histaryčnych symbalaŭ i biełaruskaj movy, i zadavaŭ jaho čałaviek, jaki jaŭna nia byŭ prychilnikam biełaruskaści. Sańnikaŭ adkazaŭ:
«My, biełarusy, pavinny viarnuć sabie samapavahu, a heta i jość našy histaryčnyja symbali:
Akramia ekanamičnych pytańniaŭ, haradziencaŭ cikaviła toje, jak nie dapuścić falsyfikacyi vybaraŭ, hučali vystupy vybarcaŭ z faktami taho, jak falsyfikavalisia raniejšyja vybary.
«My jak nikoli blizka, kab źmianić uładu, i, jak tyja, chto piša pratakoły, buduć žyć dalej, heta ich prablemy. Treba dumać, bo kali čałaviek falsyfikuje vybary, jon robić kryminalnaje złačynstva», — adznačyŭ kandydat.
Andrej Sańnikaŭ vykazaŭsia nakont adzinaha kandydata. Jon ličyć, što ciapier sytuacyja, kali alternatyŭnych kandydataŭ dzieviać, bolej vyjhryšnaja, pakolki takimi siłami jany dachodziać da bolšaj kolkaści vybarcaŭ. Hałoŭnaja zadača, ź jaho słoŭ, usim razam adstajać pieramohu, a tamu zaklikaŭ i haradziencaŭ na płošču ŭ Miensk.
Što da apošniaha vizytu Alaksandra Łukašenki ŭ Maskvu, to, na dumku Andreja Sańnikava, Kreml vykarystaŭ sytuacyju i, chutčej za ŭsio, padpisanyja damovy pa Mytnym źviazie niavyhadnyja Biełarusi. Ale tut jon zavastryŭ uvahu na tym, što biełaruski narod nie vałodaje nijakaj infarmacyjaj ab tym, što robicca ad jaho imia na mižnarodnaj arenie.
Vykazaŭsia Andrej Sańnikaŭ i ab učorašnich zajavach kiraŭnika Administracyi prezydenta Ŭładzimiera Makieja, zaznačyŭšy, što heta pravakacyja i zapałochvańnie, da jakich u Biełarusi daŭno ŭžo pryvykli.
Sustreča praciahvałasia roŭna paŭtary hadziny, jak i było damoŭlena z kiraŭnictvam Abłasnoj filharmonii. Na ŭsie pytańni Andrej Sańnikaŭ adkazać nie paśpieŭ, u faje jon jašče doŭha razmaŭlaŭ ź ludźmi.
Na parłamienckich vybarach u Francyi pieramahajuć ultrapravyja z Maryn Lo Pen. Partyja Makrona treciaja3
Kamientary