10 śniežnia kandydat u prezidenty Uładzimir Niaklajeŭ sustreŭsia z vybarščykami ŭ Breście.Da pryjezdu palityka pradstaŭniki jaho inicyjatyŭnaj hrupy praviali dvuchhadzinny ahitacyjny pikiet kala ŭvachodu ŭ brescki Pałac kultury prafsajuzaŭ, dzie prachodziła sustreča. Niaklajeŭ staŭ pieršym z kandydataŭ, jaki sabraŭ poŭnuju zału ŭ bresckim DK, pasłuchać kandydata ŭ prezidenty pryjšli bolš za 600 čałaviek. Pytańni, zadadzienyja brestaŭčanami padčas dvuchhadzinnaj sustrečy, tyčylisia prablem u palityčnaj i sacyjalnaj śfiery i šlachoŭ ich vyrašeńnia.
U kancy sustrečy na scenu vyjšli Dzied Maroz i Śniahurka, jakija pavinšavali Niaklajeva z nadychodam Novaha hoda, pažadali pośpiechu na vybarach i padaryli vybarščykam pavietranyja šary.
Kamientary