Restaŭracyjnyja raboty, jakija na praciahu 27 hadoŭ vialisia ŭ muziejnym kompleksie Mir, nabližajucca da zaviaršeńnia. Adnak uračystaje adkryćcio Mirskaha zamka, pieršapačatkova zapłanavanaje na 10 śniežnia, pieraniesiena na 16 śniežnia,
paviedamiŭ dyrektar Nacyjanalnaha mastackaha muzieja, filijałam jakoha źjaŭlajecca Mirski zamak, Uładzimir Prakapcoŭ.
Jon vykazaŭ upeŭnienaść u tym, što zaviaršeńnie abnavicielnych rabot vykliča prytok jak biełaruskich, tak i zamiežnych turystaŭ, a heta spryjalna paŭpłyvaje na ekanomiku krainy. "Adkryćcio ekspazicyi daść mahčymaść rehijonam značna raźvić turystyčnuju infrastrukturu - stvarać pryvatnyja siadziby, kafe, restarany, ateli. Tamu ŭvod u ekspłuatacyju Mirskaha zamka - heta taksama pytańnie našaj ekanomiki", - padkreśliŭ dyrektar Nacyjanalnaha mastackaha muzieja.
Cahlina z dataj pačatku restaŭracyi zakładziena ŭ paŭnočnuju ścianu Mirskaha zamka ŭ 1983 hodzie. Razam z restaŭracyjaj pravodzilisia raboty ŭ carkvie-pachavalni kniazioŭ Śviatapołk-Mirskich (abnaŭleńnie hierba-kartuša i mazaiki na fasadzie, razmaloŭki ścien, plitki padłoh, kieramičnaha ŭbrańnia piečaŭ). U pachavalniu było praviedziena ciapło. Častka zamka, praktyčna hatovaha ŭžo da pryjomu haściej, addadziena pad haściničnyja numary. Jašče adna asablivaść adrestaŭryravanaha pomnika historyka-kulturnaj spadčyny - sučasny lift, jaki vyklučaje nieabchodnaść karystacca šmatlikimi vitymi leśvicami.
Zamkavy kompleks u h.p. Mir zajmaje 26 ha. U jaho strukturu akramia Mirskaha zamka i pachavalni ŭvachodziać italjanski reniesansny sad, anhlijski park i sažałka. Heta ŭnikalny pomnik architektury, u kanstrukcyi i dekaratyŭnym ubrańni jakoha prasočvajucca elemienty jeŭrapiejskich stylaŭ: hotyki, reniesansu i baroka. Mirski zamak uklučany ŭ 2000 hodzie ŭ Śpis Suśvietnaj kulturnaj spadčyny JUNIESKA.
Kamientary