Mierapryjemstva prajšło kala ŭvachodu ŭ VNU.
Kandydatu ŭ prezidenty Jarasłavu Ramančuku nie dazvolili pravieści sustreču z vybarščykami ŭ Minskim dziaržaŭnym linhvistyčnym univiersitecie. Mierapryjemstva prajšło kala ŭvachodu ŭ VNU.
«Pierad rehistracyjaj, 16 listapada, Ramančuk pryjšoŭ u svoj rodny instytut i pakinuŭ zajaŭku na sustreču. Zajaŭka była zadavolena. Ale niekalki dzion tamu my daviedalisia, što nam nie dajuć pamiaškańnie, tamu što prarvała kanalizacyju. Kanalizacyju nie mohuć adramantavać piaty dzień», — paviedamiŭ na sustrečy lidar Abjadnanaj hramadzianskaj partyi Anatol Labiedźka.
«Dziasiatki i sotni kanalizacyjnych trub viaduć z hetak zvanaha parłamienta. Z hetak zvanaha suda, z hetak zvanaha ŭrada», — skazaŭ Labiedźka.
Jarasłaŭ Ramančuk zajaviŭ, što nikoli nie dumaŭ, što kali jon pryjdzie ŭ VNU, jakuju ŭ svoj čas zakončyŭ, u jakaści kandydata ŭ prezidenty, pierad im «začyniać dźviery».
«Ja vučyŭsia tut, ja pačynaŭ tut pracavać vykładčykam. I kaliści my ź ciapierašnim rektaram VNU byli pa adzin bok barykad», — zaznačyŭ jon.
Sustreču z vybarščykami Ramančuk pravioŭ na prystupkach MDŁU, vystupajučy z vykarystańniem hukaŭzmacnialnaj aparatury. Kandydat u prezidenty adkazaŭ na pytańni, zadadzienyja jamu ŭ zapiskach. Jon zaklikaŭ udzielnikaŭ sustrečy prychodzić 19 śniežnia na Kastryčnickuju płošču Minska. «Heta naš šanc. Davajcie vyjdziem razam, paciśniem ruki adzin adnamu, i 20 śniežnia my pračniemsia ŭ novaj krainie», — upeŭnieny Ramančuk.
Kamientary