U Minsku adkryłasia vystava majstra-juvielira Mikałaja Kuźmiča
Vystava juvielirnych vyrabaŭ majstra z Bresta Mikałaja Kuźmiča «Juvieliryka» adkryłasia 13 śniežnia ŭ Muziei sučasnaha vyjaŭlenčaha mastactva (pr. Niezaležnaści, 47) ŭ Minsku.
U ekspazicyi prykładna 150 rabot, stvoranych Kuźmičom za apošnija dva hady, u tym liku dekaratyŭnyja kampazicyi i kamplekty juvielirnych upryhažeńniaŭ.
Dyrektar muzieja Natalla Šaranhovič nazvała ŭnikalnaj vystavu, dzie pakazny «ŭnikalnyja rečy majstra, jaki vałodaje ŭnikalnym mastactvam». Pavodle jaje słoŭ, ideja ekspazicyi ŭźnikła ŭ 2006 hodzie, kali ŭ muziei adkryvałasia vystava emalaŭ Kuźmiča, viadomaha jak aŭtar adrodžanaj techniki vizantyjskaj pieraharodčataj emali XII stahodździa i adnoŭlenaha Kryža prapadobnaj Jefrasińni Połackaj. «Tady Kuźmič paŭstaŭ pierad nami jak vialiki
Jak zaznačyŭ piśmieńnik Uładzimir Arłoŭ, za što b ni braŭsia Kuźmič, ci heta Kryž Jefrasińni Połackaj, ci staŭrateka da jaho abo raka dla moščaŭ niabiesnaj zastupnicy Biełarusi, — luby prajekt u jaho ŭmiełych rukach pieratvaraŭsia ŭ jarkuju padzieju. Arłoŭ nazvaŭ aŭtara vystavy pieršym juvieliram Biełarusi i adnym z najlepšych majstroŭ hetaj spravy va Uschodniaj Jeŭropie.
Vystava pracuje da 15 studzienia 2011 hoda.
Kamientary