Trenierskamu štabu CHK «Dynama» rekamiendavana bolš aktyŭna ŭpłyvać na kamandu

U suviazi ź niaŭdałym vystupleńniem chakiejnaha kłuba «Dynama» (Minsk) u čempijanacie KCHŁ staršynia BFST «Dynama» i naziralnaj rady ZAT «Chakiejny kłub «Dynama-Minsk» Juryj Barodzič 13 śniežnia pravioŭ naradu z kiraŭnictvam kłuba.

Pavodle źviestak pres-słužby kłuba, v.a. hienieralnaha dyrektara kłuba Alaksieju Torbinu pastaŭlena zadača «sumiesna z trenierskim štabam, a taksama z ulikam mierkavańnia inšych śpiecyjalistaŭ, u ścisłyja terminy pravieści detalovy analiz apošnich matčaŭ, hulni kamandy ŭ cełym i ŭnieści da 18 śniežnia nieabchodnyja prapanovy dla pryniaćcia kankretnych kiraŭnickich rašeńniaŭ».

«Praduhledžvajecca, što ŭ pieršuju čarhu jany pavinny być naceleny na ŭniasieńnie karektyŭ u trenirovačny praces,

miedycynskaje i psichałahičnaje zabieśpiačeńnie, pavyšeńnie patrabavalnaści da asobnych hulcoŭ i ŭsioj kamandy», — havorycca ŭ paviedamleńni.

Jak padkreśliŭ Barodzič, dla pieraadoleńnia spadu, jaki zaciahnuŭsia, mienš za ŭsio pakazany paśpiešlivyja rašeńni. «My vierym u trenierski štab, ale heta pavinna prymušać hałoŭnaha treniera i jaho asistentaŭ bolš aktyŭna i efiektyŭna ŭpłyvać na kamandu i chakieistaŭ pry padrychtoŭcy da hulniaŭ i padčas kožnaha matča. Nieabchodna zrabić usio, kab viarnuć hulcam upeŭnienaść u svaich siłach, a prychilnikam — vieru ŭ kamandu», — zajaviŭ Barodzič.

Na sajcie «Dynama» apublikavany zvarot kapitana kamandy Andreja Michalova.

«Vystupleńnie kamandy ŭ apošnich matčach pry ŭsim žadańni nazvać paśpiachovym nielha. Bolšaść krytyčnych vodhukaŭ pra našu hulniu sapraŭdy majuć pad saboj usie padstavy. <…> U hetym kryzisie jość i svaje pazityŭnyja baki. Sieryja niaŭdač achaładziła pył mnohich z nas, prymusiła apuścicca na ziamlu, uspomnić pra toje, što zadača vychadu ŭ raŭnd plej-of jašče zusim nie vyrašana. I, mahčyma, dobra, što hetaja čornaja pałasa vypała nam mienavita zaraz, kali jašče ničoha nie stračana. My pa-raniejšamu ŭvachodzim u vaśmiorku pieršych kamand Zachodniaj kanfierencyi, u nas dobryja hulcy, i ŭ nas cudoŭnyja prychilniki. <…> Razumiejem, što dalej adstupać nam užo niama kudy, prava na pamyłku bolš niama. I my zrobim usio dla dasiahnieńnia hałoŭnaha — vyniku. My budziem bicca!» — zaznačajecca ŭ zvarocie.

***

Paśla 36 matčaŭ «Dynama» z 50 bałami zajmaje čaćviortaje miesca ŭ dyvizijonie Tarasava, siomaje ŭ Zachodniaj kanfierencyi i 14-je ŭ ahulnaj tablicy, atrymaŭšy 11 pieramoh u asnoŭny čas, 3 u aviertajmie, 4 pa bulitach i 15 paražeńniaŭ u asnoŭny čas, 1 u aviertajmie i 2 pa bulitach, zakinuŭšy 105 i prapuściŭšy 108 šajb.

U apošnich 10 matčach «Dynama» adzin raz vyjhrała ŭ aviertajmie, dva razy pa bulitach, šeść razoŭ prajhrała ŭ asnoŭny čas i adzin raz pa bulitach.

• 0
• 0
• 0
• 0
• 0
• 0