Pamier dapamohi pa biespracoŭi ŭ Minsku — kala 70 tys. rubloŭ

Aficyjny ŭzrovień biespracoŭja ŭ Minsku na 1 śniežnia 2010 hoda skłaŭ 0,3% ekanamična aktyŭnaha nasielnictva. Za listapad hety pakazčyk nie źmianiŭsia.

Siaredni pamier dapamohi pa biespracoŭi ŭ listapadzie składaŭ 69,2 tys. rubloŭ, kastryčniku — 51,4 tys. rubloŭ, u vieraśni — 46,6 tys. rubloŭ.

Jak paviedamili va ŭpraŭleńni zaniataści kamiteta pa pracy, zaniataści i sacyjalnaj abaronie Minharvykankama, u słužbach zaniataści na 1 śniežnia byli zarehistravany 3.594 biespracoŭnyja. U studzieni-listapadzie pa sadziejničańnie ŭ pracaŭładkavańni źviarnulisia bolš jak 22.700 čałaviek. Na pastajannuju abo časovuju pracu pracaŭładkavany 11.508 čałaviek. Ź ich 6.765 biespracoŭnych atrymali pastajannuju pracu.

Na časovuju pracu ŭ volny ad vučoby čas pracaŭładkavany 2.765 studentaŭ i školnikaŭ. Na prafiesijnuju padrychtoŭku, pierapadrychtoŭku i pavyšeńnie kvalifikacyi adpraŭlena 2.070 biespracoŭnych. U hramadskich rabotach uziali ŭdzieł 3.945 čałaviek, u tym liku 2.296 biespracoŭnych.

Pavodle źviestak kamiteta, najbolš zapatrabavanymi śpiecyjalistami ŭ stalicy źjaŭlajucca vadzicieli aŭtamabilaŭ (504 vakansii), ślesary/elektraślesary (1.314), hruzčyki (194), prybiralščyki (541), miedsiostry (467), uračy-terapieŭty (116), mašynisty (338), bietonščyki (248), mulary (608), vychavacieli (385), kanduktary (626), pradaŭcy (554), inžyniery (387), milicyjaniery (317).

0

0

0

0

0

0

Maryna Nosava, BiełaPAN

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH