«Ułady vielmi časta vykarystoŭvajuć vas, jak barykadu».
Kandydat u prezidenty Mikałaj Statkievič zaklikaŭ aŭtaamataraŭ nie karystacca asabistym transpartam viečaram 19 śniežnia ŭ centry Minska, ci vyklučyć sa svaich maršrutaŭ rajon Kastryčnickaj płoščy.
Pra heta jon zajaviŭ 14 śniežnia padčas debataŭ kandydataŭ u prezidenty ŭ
«Ułady vielmi časta vykarystoŭvajuć vas jak barykadu. Jany spyniajuć ruch, mašyna da mašyny, praśpiekt Niezaležnaści zaniaty. Kali łaska, 19 śniežnia ŭ rajonie 20 hadzin nie jeździcie na aŭtamabilach u rajonie Kastryčnickaj płoščy i naohuł na hetym učastku praśpiekta.
Možacie pieratvarycca ŭ hetuju barykadu i budziecie stajać u probcy niekalki hadzin, čakać, kali vas vypuściać», — skazaŭ Statkievič.
Pry hetym usie kandydaty ŭ prezidenty, jakija ŭdzielničali ŭ debatach, — Vital Rymašeŭski, Mikałaj Statkievič i Jarasłaŭ Ramančuk — zaklikali biełaruskich hramadzian prychodzić na Kastryčnickuju płošču 19 śniežnia ŭ 20 hadzin. Jany padkreślivali, što farmat akcyi budzie vyklučna mirny.
«Usio vyrašycca nie 20 śniežnia, nie 21 i nie ŭ inšy dzień, a mienavita 19 śniežnia», — zajaviŭ Statkievič.
Kamientary