Pra heta jon zajaviŭ, prymajučy pradstaŭnikoŭ viadučych analityčnych centraŭ ZŠA.
Pra heta jon zajaviŭ 14 śniežnia ŭ Minsku, prymajučy pradstaŭnikoŭ viadučych analityčnych centraŭ ZŠA. Frahmienty sustrečy byli pakazany biełaruskimi dziaržaŭnymi tielekanałami.
«Ale hałoŭnaje — kab u nas bačyli partniora, a nie krainu, jakuju možna zadušyć, nachilić, a moža, i rastaptać», — dadaŭ Łukašenka.
Biełaruś, pavodle jaho słoŭ, «nieadkładna» adkaža dabrom na pavažlivaje staŭleńnie. «Heta vam paćvierdzić luby z našych stratehičnych partnioraŭ», — skazaŭ jon.
Łukašenka adznačyŭ, što pryjezd pradstaŭnikoŭ analityčnych centraŭ ZŠA pryjšoŭsia na pieryjad pieradvybarčaj kampanii ŭ Biełarusi. «Heta nadzvyčaj važny etap u žyćci luboj dziaržavy i naroda, — padkreśliŭ jon. — Viedaju, što za niekalki dzion składana skłaści dla siabie poŭnaje ŭjaŭleńnie ab krainie, ab jaje narodzie, kultury, tradycyjach. Tamu ja spadziajusia, što našy kantakty buduć praciahnutyja, a vaš pieršy vizit u Biełarusi stanie nie apošnim».
Moža być, krainam navat varta padumać ab stvareńni pastajannaha miechanizma dvuchbakovaha abmienu infarmacyjaj i supracoŭnictva, vykazaŭ dumku Łukašenka.
Kamientary