U Lidzie vulicu Čapajeva pierajmienavali ŭ bulvar Vialikaha kniazia Hiedymina
Žychary byłoj vulicy Čapajeva ŭ Lidzie pačali atrymlivać u dakumentach na žytło novy adras — bulvar Vialikaha kniazia Hiedymina. Pierajmienavańnie adbyłosia pavodle rašeńnia rajonnych uładaŭ. Bulvar viadzie ad čyhunačnaha i aŭtavakzału da pomnika architektury pieršaj pałovy ChIV stahodździa — zamka, zbudavanaha Hiedyminam.
Siońnia ŭ lidzkaj filii abłasnoha ahienctva dziaržaŭnaj rehistracyi i ziamielnaha kadastru było ludna. Načalnik ahienctva Česłaŭ Vasilevič skazaŭ, što da abiedu pryniali kala dvaccaci naviednikaŭ. Jon zaznačaje, što novy adras u dakumenty haradžanaŭ unosicca biaspłatna, bo jość rašeńnie vykankamu ab pierajmienavańni. Źmiena nazvy vulicy ŭ pašparcie taksama nie pavinna ničoha kaštavać, miarkuje jon.
Zapłacić za pierarehistracyju adrasu musiŭ mała chto. Siem tysiač rubloŭ kaštavała heta tym lidčukam, chto chacieŭ nieadkładna pradać abo padaravać kvateru, dziela čaho nieabchodna było źmianić u techničnym pašparcie nazvu vulicy na novuju. Na bulvary Hiedymina niekalki piacipaviarchovych žyłych damoŭ, aŭtavakzał, nievialikaja biblijateka, kramy. Dla ŭstanovaŭ źmiena adrasu kaštuje taksama niadoraha, kaža spadar Vasileŭski.
-
Što viadoma pra źniavolenych u Biełarusi hramadzian Ukrainy, jakija siońnia niečakana zdabyli volu?
-
Łukašenka nie pavieryŭ Ryžankovu. Piatkievič vyhladaje procivahaj Krutomu. A Kruty — vialikaja zahadka
-
«Ukraina Biełarusi nie pahražaje, my vymušanyja abaraniacca». Ukrainskaja pamiežnaja słužba adkazała biełaruskaj
Kamientary