Uładzimir Savič znoŭ abrany staršynioj Biełaruskaha sajuza mastakoŭ
Zasłužany dziejač mastactvaŭ Biełarusi, łaŭreat Dziaržaŭnaj premii Biełarusi, prafiesar Biełaruskaj dziaržaŭnaj akademii mastactvaŭ Uładzimir Savič paŭtorna abrany staršynioj Biełaruskaha sajuza mastakoŭ. Hałasavańnie prajšło na XX źjeździe BSM,
jaki viečaram 15 śniežnia zaviaršyŭ svaju pracu ŭ Minsku, paviedamiŭ BiełaPAN namieśnik staršyni tvorčaha abjadnańnia pa vystavačnaj dziejnaści Siarhiej Cimochaŭ.
Hałasy 216 delehataŭ źjezda padčas vybaraŭ staršyni sajuza raźmierkavalisia nastupnym čynam: za Uładzimira Saviča padadziena 162 hałasy, za Alaksandra Dranca — 29, za Hienadzia Burałkina — 21, za Siarhieja Kryštapoviča — 4.
Pieršym namieśnikam staršyni BSM zastaŭsia Ryhor Sitnica.
Siarod hałoŭnych kirunkaŭ pracy kiraŭnictva tvorčaha abjadnańnia na najbližejšyja try hady Cimochaŭ nazvaŭ raźvićcio vystavačnaj dziejnaści, pavyšeńnie jakaści ekspazicyj i demanstracyjnych płoščaŭ, jakija pavinny adpaviadać ahulnapryniatym standartam, pašyreńnie mižnarodnaha supracoŭnictva, umacavańnie ekanamičnaha stanovišča BSI z dapamohaj raźvićcia jaho vytvorčaj bazy, a taksama kansalidacyju namahańniaŭ členaŭ sajuza pa abaronie tvorčych intaresaŭ i dabrabytu mastakoŭ.
Amal usie čaty i supołki kałonij i SIZA Biełarusi pryznali ekstremisckimi farmavańniami. Pad pahrozaj tysiačy čałaviek5
Kamientary