U Ju'Tubie źjavilisia novyja siensacyjnyja śviedčańni pra parušeńni zakonnaści ŭ Biełarusi. Milicyjant Andrej Pyžyk z Žodzina raskazaŭ, jak niepakornamu vieteranu padkinuli falšyvyja dalary.
U Ju'Tubie źjavilisia novyja siensacyjnyja śviedčańni pra parušeńni zakonnaści ŭ Biełarusi. Iznoŭ śviedčyć milicyjant. Na hety raz — były śledčy z Žodzina Andrej Pyžyk. Jamu ŭłady daručyli raspravicca ź vieteranam Afhanistana, jaki staŭ lideram apazicyi ŭ horadzie. Śledčy admoviŭsia. U adpłatu śledčamu złamali karjeru.
22 kastryčnika 2008 hoda kiraŭnik abjadnańnia vieteranaŭ bajavych dziejańniaŭ «Abaroncy Ajčyny», były afhaniec Alaksandr Kamaroŭski jechaŭ u Polšču. Na miažy ŭ jaho byli vyjaŭlenyja falšyvyja dalary — jak vyjavić śledstva, jamu ich padkinuli.
U Breście raspačali kryminalnuju spravu. ABEP adrazu pravioŭ pieratrus u chacie i na pracy ŭ Kamaroŭskaha.
Jaho materyjały pryjšli da staršaha śledčaha Pyžyka, jaki tady pracavaŭ u Žodzinskaj milicyi. Jon staŭ raźbiracca ź imi i adrazu pabačyŭ niesutyki. Śledčy pajechaŭ z hetymi materyjałami da prakurora Žodzina. Toj naŭprost skazaŭ: «Kamaroŭski bałatujecca ŭ deputaty, a nie pavinien bałatavacca». I adpraviŭ śledčaha da načalnika haradskoha suda. U kabiniecie načalnika suda siadzieŭ sivahałovy hość ź Minska, namieśnik kiraŭnika Administracyi prezidenta Anatol Rubinaŭ.
«Materyjały spravy mnoju vyvučany. Ja nie baču padstavaŭ dla raspačynańnia kryminalnaj spravy», — paviedamiŭ śledčy.
Sa słovaŭ śledčaha Pyžyka,
Rubinaŭ u adkaz pačaŭ kryčać, pahražać: «Jon pavinien siadzieć u turmie. Sprava pavinna być u najkaraciejšyja terminy adpraŭlena ŭ sud».
Pad ahulnym ciskam śledčy Pyžyk kryminalnuju spravu urešcie raspačaŭ.
Adnak zajmajučysia joju, jon tolki pierakanaŭsia, što sprava była šyta biełymi nitkami. Śledčy vyjaviŭ, što
pieratrus u kvatery Kamaroŭskaha pravodzili try supracoŭniki pravaachoŭnych orhanaŭ, a ŭ pratakole zapisany byŭ tolki adzin. Nibyta vyjaŭlenych falšyvych dalaraŭ nichto z paniatych nie bačyŭ.Śledčy taksama vyjaviŭ, što padkinutyja hrošy byli vyrablenyja
I śledčy pryniaŭ rašeńnie ab spynieńni kryminalnaha pieraśledu Kamaroŭskaha, bo pabačyŭ, što jon nievinavaty.
Kali śledčy dakłaŭ svajo rašeńnie načalniku, toj staŭ na jaho «raŭci, kryčać». Kali jany painfarmavali pra rašeńnie śledčaha prakurora, toj uvohule ŭ hnievie vykinuŭ spravu za dźviery.
«Ty sam siadzieš zamiest Kamaroŭskaha!» — kazali śledčamu.
U vyniku śledčaha Pyžyka prymusili zvolnicca.
Cisk na Pyžyka praciahvaŭsia i paśla zvalnieńnia.
Kab zapałochać, jaho, akramia ŭsiaho inšaha, zasudzili na piać sutak aryštu — nibyta za łajanku matam u hramadskim miescy.
Tym nie mienš, Andrej Pyžyk nie prahnuŭsia.
Heta nie pieršaje siensacyjnaje śviedčańnie milicyjanta ŭ časie hetaj vybarčaj kampanii. Hetak, padpałkoŭnik milicyi Mikałaj Kazłoŭ raskazaŭ ab miechaniźmie falsifikacyi vybaraŭ u Minsku.
Nahadajem, što
Kamaroŭski byŭ źviazany z vaŭkavyskim pradprymalnikam, byłym afhancam, Mikałajem Aŭtuchovičam. A akademik Rubinaŭ paśla tych vybaraŭ pajšoŭ na novuju pasadu: ciapier jon uznačalvaje saviet respublikii siadzieŭ poruč z Łukašenkam u prezidyumie ŭsiebiełaruskaha churała.
«Mienavita Administracyja prezidenta rašaje, kamu ŭdzielničać u vybarach, a kamu — siadzieć u turmie», — kaža były śledčy Pyžyk. Milicyjanty achvotna pamianiali b uładu, kaža Andrej Pyžyk.
Ciapier čytajuć
Žonka Arcioma, jaki emihravaŭ u Ispaniju ź siamjoj i zastaŭsia tam adzin, adkazała, čamu ŭ Baranavičach lepš, čym u Barsiełonie8
Kamientary