Aktyvista AHP Andreja Bandarenku, jaki adbyvaje 6 hadoŭ źniavoleńnia ŭ Babrujskaj kalonii, pieraviali z PKT u zvyčajny atrad. PKT — heta pamiaškańnie kamernaha typu, izalavany pakoj, u jakim trymajuć viaźniaŭ, schilnych da parušeńnia paradku ŭ turmie.
Andreja Bandarenku źmiaścili ŭ PKT try tydni tamu nibyta za toje, što vyviesiŭ nad łožkam malunki relihijnaha źmiestu, a taksama admoviŭsia pracavać na škodnaj vytvorčaści i padmiatać turemny dvor.
«Jak vyjšaŭ, jon pazvaniŭ damoŭ, litaralna paŭtary chviliny razmaŭlali. Paśpieŭ pieradać, što chacia vypuścili z PKT, ale praciahvajuć akazvać usialaki cisk i robiać znachodžańnie ŭ turmie nievynosnym», — paviedamiŭ «Svabodzie» baćka viaźnia Valer Bandarenka.
Pavodle źviestak, jakija Valer Bandarenka atrymaŭ u Mienskim haradzkim sudzie, tam jašče tak i nie razhledzieli pratest na raniejšy prysud Andreju Bandarenku. Kali pratest budzie razhledžany, z sudu nie paviedamlajuć.
Andreja Bandarenku pryznali vinavatym u kradziažy majomaści firmy. Aktyvist AHP kaža, što ź im pakvitalisia za ŭdzieł u vybarčaj kampanii ŭ parlament u 2008 hodzie.
Ciapier čytajuć
Žonka Arcioma, jaki emihravaŭ u Ispaniju ź siamjoj i zastaŭsia tam adzin, adkazała, čamu ŭ Baranavičach lepš, čym u Barsiełonie8
Kamientary